Pened hiela P. Masoero gasede: Volapük (Guadalajara) 1
TÄL. - Vercelli. - 1887 mälul 5.
Lenunob ole ko gälod gletikün das Lasam Pakamakluba volapüka J. M. Schleyer edanemom oli as Kopanal melidlik (bagaf 11id. statuda stabinik) äs noelam stima plo valikos keli emekol e mekol plo pakam volapüka.
Mob olik, al danemön oli kopanal melidlik, päbelobom bavögöfiko.
Binobs kopanals 20 (in dels 15), e votiks pamoböl.
Sedob ole samadi bal statuda stabinik fa kel osevol distinikumo zeilis obsik e plisips su kels pastabom kopanöm.
Oyufol setenami Pakamakluba lensumöl danemi obsik, ibo läbon ke obs pösodis studik äs ol binos din egelo vemo lanimöl.
Labob timi nemödik. Büfü älabob tidadüpi, poso änoganob kopanömi, ovendelo odamanifob tidadüpi votik.
Lensumol-ös glidi kopanöma lölik e dalolös obe binön
Disabisiedel Pakamakluba Schleyer.
Se Volapük: Gased bevünetik tedelik, nolik, literatik e gälodik 1887, Nüm: 6, Pads: 56-57.