Pened jiela H. Enderneitt gasede: Volapük (Boston) 1
Söl palestimöl!
Sekusadolos[1], das böladob oli me pened at, ab vipob levemo, das plänol obe bosi, kelosi no nolob gudiko. Kademals Nelija emoboms das ü padejafomöd se lafab vpa. Nolob das no sibinom in püks mödik, ab vipob nolön liko melopels sepükoms omi. Li te nevelatiko u somo äs tonabi votik sembal in lafab vpa. Penolös obe kuladiko atosi. Distin at binom vemo veütik.
Rusänels vipoms, das ä pedejafomöd, bi sepükoms omi leo somo äs e. Ab sukü atos fecens lemödik kanoms pamekön in penam vpa, bi no kanom flagön das lenadon nebuko lotogafi vödas, laböl ä u e. Demü fecens set kanom vedön no te nekapälnik, sod sägo tadilik dele, keli evipon sepetön, kelosi zelado muton viatön.
Deno tikob däs[2] no pötos mekön votamis nezepü datuvel vpa, bi voto slit ojenom, kel oblinom neläbi gletikum in kopanöm vpa, ka fecens valik vobo.
Spelob, das ogepükol suno glidöl oli ladliküno i de vpels peterburgik valik.
If kanol potolöd obe numi bal gaseda, keli redakol.
NOETS. (Vükifonät)
Se Volapük: Gasedil mulik püka bevünetik 1889, Nüm: 11, Pad: 106.