Pened vpakluba København gasede: Volapükabled Tälik 1

Setopam lekana e dustoda skandinavik ozitom ahitatimo in Kjöbenhavn.

In pöt at visitels mödik okömoms al Dän al milagön vobadis lekana e dustoda nolüyulopik e zümöpi jönik de Kjöbenhavn.

Nolöl das vpels mödik se plovins dänik e se nilelaläns obas, Suedän e Novegän, e se selän desänoms visitön zifi boas in velul y. a. mobobs atoso koblodes selänik obsik kömön is velul 26 lulüdel düp 7^id pozendelo in Hôtel Tivoli visü setopam, kö desänobs palasamön ko vpels foginik.

No desänobs fomön kongefi sludöfägik ab vipobs ko koblods obas bepükön säkis difik tefü vp, pato dö sepükam.

Obinos gäl gletik obes palasamön ko mens kels voboms gönü volekam de döl gletik at äs obs, e spatavegams tugedik in zümöp lejönik zifa omödoms mögiko gälodi koköma.

Biliet al olasam e al zälafid okostom kronis 7 = franis 10 = makis 8. Oyufobs vo vemo äs mögik vpelis okömöl olenunöl omes lotopis nedelidik. Dilsumels mütoms polön tani kilkölik du koköm.

Penonös sunüno dö dilsumam al cif kluba isik: söl P. Plum, löpatidel vpa, Fordenskjolsgade 12. Kjöbenhavn. K.

Kjöbenhavn, 1888, 5^ul 25^id.

Cifef vpakluba.

Se Volapükabled Tälik 1888, Nüm: 6, Pad: 47. }