Per Thomes Tolpei
Per Thomes Tolpei
Un fanciullo così ansioso
n' ho giammai veduto
che con tutta forza abbia voluto
la Dottrina recitar:
Di e not l studiáva
la Maria e i autri lo tentáva
l vegle de la lum se baudiáva
la vegla de chisc mac se la ridëva.
Ntánt Tomesc fè mpedì ne se lasciáva
ma fra se stës se pensáva
o per forza o per amour
la voi fè ca, e con onour.
Ma ntánt ci fesc Tomesc
se la rì, e i lascia con tánt de nes
e per forza e amour
a la ciera se podëssa pensé
che fosse sté de not pro fuoch:
ma no me ngiane
t' este sté nte n auter luoch?
davò taula a studié.
Ciala pur da ca inaò d' ester bon
de n' esser ruo o poltron
te farè mené a Persenon
coi autri a studié
te vigniras a dì mëssa e a perdiché
e podei scouté le confescion.
Deportete pur ben
ciala pur de n' ester ruo, o fè l poltron
te farè mené a Persenon
coi autri a studié.
Oh, nlouta sci te saras bon
de dì mëssa, e perdiché
come pur ence de scouté
de le vegle le confescion.
Và ben, và ben coscì
valent Tomesc valent
con ti son dërt content
t' es moro, e slocé, ma t' as talent
te sas velch, e t' as virtù.
T' es furbo, t' es fauzon
t' es plen de bufonerie
t' as ence da tuo pere le furberie
ma dagnëra con onour.
Ciala mo chël puoro vegle colassù
l se la rì e ciala ju
l trëma e disc de no
ma chëst te dighe purampò:
fi de pere t' es ence ti.
Và pur, dà l ejempio
che te dà chël tuo bon pere
i tuoi fradiei e tua mere
che ne jiras davandavò.
Ma chëst te dighe ben
mio pico bon Tomesc
chël che i prevesc fesc
per ades ti lascia n pesc.