Per le noze de Vico de Salin con Maria de Cechinol
- PER LE NOZE DE VICO DE SALIN CON MARIA DE CECHINOL
- Pera l'un de firé 1910
Ntant che chisc fasc chisc ac
Che i li sent fin a Pardac
Chisc sciusciures e chisc bordei
Autre strapasse i ciavei
Chi tel bosch e chi te l'aga
Più che un la fasc te braga
A pissar che l ciaciador
L'à fenì de far l'amor.
E po i pianc e po i fasc urles
Che par trenta e più tamburles
No le à pasc e se despera
Per ste noze anché te Pera.
pagina:395
L'é le bestie dute cante
Chele en Veisc e tra le piante
Le capesc che da sta union
Nia le pel sperar da bon.
Da screpins, ju da le crepe
Le se bina sun Prarepe
Per poderse consultar
Coche ades sarà da far.
Chel camorc desché musat
Sobit preside i l'à fat
Per la semplize rejon
Che l'à pien l cul de pion.
"Cari amisc!" l sauta fora,
"Cent malans e na malora
Ne manacia nce sul ciaf
Voi cardeme che son giaf".
Vico Rizzi chel malan
Che no lascia pasc dut l'an
Che dì e not no lascia requie
E che a tenc l'à fatesequie.
L n'à fat anché n contrat
E segur no l'é stat mat
De njignar più ciaciadores
Che l'é n Svizera pitores.
Chela bolp fora n Navare
Disc, con far dut da comare
"Iojomaria! Che mai farone
Con sta spece de persone
Chel fegura nce se grigna
Perché l sà che pien la crigna
De basterc l se prepara
Per ne meter noi te bara".
"Maladeta, jà me trema
Cater ame dute nsema!"
Disc l gever co na ousc
Che par Christo su la Crousc.
"Se la mira é reditaria
Aon fenì de jir per aria",
Na cornacia fort ciga,
"Vegn ben chi che ne destriga".
A chel tas de Poz Strion
Ge va propio jù l balon
"Deh! protegeme Sènt'Ana
Me par propio de esser jà te fana".
I schiràtoi ge n veit ite
E ge vegn jù le pite:
"Se sche l pare l'é ence l fi
Per noi prest l'é l'ultim dì".
Chela lora ló sot Sèn Jan
La é ruada sù sofian
Da la fufa duta mola.
No la é bona de dir parola.
Spezialmenter i caprioi
Più de dut l sescio sioi
Chei sa Vich na gran dita
I à duc chenc ciapà la schita
"O salvane Segnoredio
Senó scì paon l fio
Se paura l ne fas ora
Te vint egn sion duc morc fora".
Smort e bianch desce n lenzel
Sauta fora l gial sforcel:
"Na famiglia de sta sort
L'é per noi la certa mort.
pagina:398
Chel zedron de vin Crepei
L se ciapa ti ciavei
E tremando sche na foa:
"Pere me, pere mia coa".
Dapò i pesc con n piopìo
Da sporcarse ence l de drio
A pissarse de Maria
I par tenc de Geremia.
E pianjendo na careta
Coscì i parla n duta freta:
"Porca piva! sacrifizio!
L'é prest chiò l dì dal giudizio".
Duc chenc pianc e se despera
Sche se fosse dì de vera
L'é de lagrime scì n mar
No se sà che via pear.
Finalmente ven dezijo
Tant dal moro che dal bijo
De manar na comiscion
Da la sposa per pardon.
Prescio Vico miserere
L'é ben fat che no se n cere
Perché n boia coscì fat
Ne fasc trar l'ultim fiat.
I se peissa con rejon
Duc d'acordo te l'union
E i delega n pesc e n gial
A prear ben e no mal.
Chisc doi donca se prejenta
Da la sposa bela contenta
Ed in lingua la più bella
Eco pronti che i favela:
"O sposina o fior del prato
Al marito tanto grato
Tu che ormai sei della festa
Porgi orecchio alla modesta
Voce flebile, che viene
Da chi stretto è dalle pene
Tu che il cuor hai guadagnato
Di colui che ti sta a lato.
Da lui impetra in questo giorno
Per noi bestie del contorno
Quella tregua necessaria
Come all'uomo il pane e l'aria.
E se molti figli avrai
Fa che in lor non entri mai
Il trasporto per la caccia
Al cui nome il sangue agghiaccia.
Cara sposa, sposa cara
Tu fra l'altre gemme rara
Il tuo cuor si muoverà
Per le bestie alla pietà".