Perdigon, ses vassalatge
Perdigons, ses vassalatge
vei cavalièrs e barons
laits e malvatz e felons,
e vei de vilan linhatge
òmes cortés e chausits,5
larcs e leials et ardits.
Ar digatz-m' al vòstre semblant
cal d'aquels deu amar enant
dòmna, pòis la destrenh Amors ?
Sénher, segont bon usatge10
par mèlhs dreitur’ e razons
si'lh dòmn' es valents ni pros,
qu'ilh am egal son paratge ;
car de vilan lh'èis mals crits,
si tot si par eissernits,15
si josta si l'acòlh ni'l blant,
e blàsman-la li pauc e'lh grant,
dont li es ant’ e desonors.
Perdigons, gentil coratge
fan los gentils e'ls joiós,20
e'lh gentileza de nos
no'n val mais a eretatge,
car tuit fom d'una raïtz.
E dòmna cui prètz es guits
deu amar lo pro e'l prezant,25
que mil son empachat del brant
que fai melhor baisar un ors !
Sénher, grèu m'es e salvatge
de çò qu'au aug dir a vos,
qu'a un vilan paratjós30
disètz que dòmna s'engatge.
Mas, se pel vilan mestitz
es lo cavalièrs giquits,
lo nom de la dòmna desmant,
que'l nom pèrd, pòis met en soan35
cavalièr dont lo noms l'i sors.
Perdigons, vòstre damnatge
razonatz ab fals respons ;
cais cortés es Perdigons !
A doncs noms tant d'avantatge40
qu'uns malaürats aunits
sia per dòmn’ aculhits
co'l plus valents ni atretant,
pòis d'un Paire son li enfant ?
Doncs val lo noms mais que valors ?45
Ar entendètz mon lengatge,
sénher, sia’m dans o pros :
òi tant vilans no's fenh bons
qu'al òps non pèrga’l barnatge,
qu'aissí co'l cats gent noirits50
s'esperdèt per la soritz,
s'espèrdon lai ont mestièr an ;
e'l plus vils cavalièrs qu'òi an
val, pòis dòmna’lh vòl far secors.
Perdigons, Gaucèlms Faidits55
jutge segont nòstres dits,
qu'aicel son ric que pro còr an ;
[et a dòmna que ama comant
gard' eissa que sos prètz n'èr sors.]
Sénher, [sol per ver s'el ditz],60
no's tenga per envilits,
si tot s'es vilans, no'l soan ;
mas dòmn e cavalièrs si fan,
et al vilan tanh uns fessors.