Pitla Storia bibia/9

Noé vën ora dl'arca y fej n sacrifize.

La gran eghes ova durà sula tiera cënt y cincanta dis. Chël Bel Die à po' lascià suflé n vënt bon ciaut sëura la tiera. A puech a puech à scumencià l'eghes a zessé y l'arca ie data sëura su na mont. Canche la tiera fova suieda su de fin, à dit Chël Bel Die a Noé: "Vatene ora dl'arca cun ti jënt y cun duc i tieres."

Noé ie unit ora y cun ël duta si jënt y duc i tieres. Per rengrazië de dut cant à Noé fat n autere de sas y sun chësc al fat n sacrifize a Idie. Chël Bel Die ova de chësc n gran plajëi. L à lascià cumparì al ciel l'ega burvanda y à dit: "Mei ne dëssel plu unì l deluvio, la gran eghes a reviné duta la tiera."