Pitla Storia bibia/N11

Gejù vën batejà da San Giambatista

Nel medemo tëmp, che san Giambatista perdicova y batejova dlongia l ruf Giordano, iel nce ruvà Gejù da Nazaret a se fé batejé da d'ël. Ma dal gran respet che san Giambatista ti purtova a Gejù, ulovel paré demez Gejù y dijova: "Ie é debujën de unì batejà da té y tu vënies da mé?"

Gejù à respundù: "Lascela suzeder śën, pervia che nsci iel la ulentà de Die." Sun chësta à san Giambatista batejà Gejù.

Pernanche Gejù ie stat batejà, iel ël unit ora dl'ega y à fat urazion. Eco śën se à giaurì l ciel y l Spirt sant ie unì ju n forma de na tupa sëura Gejù. Y na usc dal ciel à dit: "Chësc ie mi fi, che ie é gën y che me plej."