Pitla Storia bibia/N26

Gejù vën flagelà.

Ntlëuta cumandova Ponzio Pilato sëura la Giudea. Ël cumandova mpo dl Coser da Roma. Sula duman drët abenëura ie unit Gejù menà dant a Pilato, acioche chësc l feje mazé. Ma Pilato à cunesciù, che Gejù fova tradì dai majeri prevesc per pura nvidia. Davia de chël purvova Pilato de l delibré. Ma i majeri prevesc metova su l popul a prië ora Baraba, che fova n drë sbriga y che ova mazà, y a mëter Gejù sula crëusc. Nscila svaiovi duc canc: "Sula crëusc cun él, sula crëusc!"

Pilato à respundù: "Ma cie à pa chësc fat de mel? Ie ne giape

ora deguna colpa per pudëi l fé murì. Ie ue duncue l castighé y po' l mëter n libertà."

Śën à i saudeies menà demez Gejù a l flagelé. I ti à trat ora l guant y à ciulà Gejù pra na seva y l flagelova, che l sanch degurova ju via per tiera.