Pitla Storia bibia/N28

Gejù vën prejentà al popul y cundanà a mort.

Mo n iede à purvà Pilato a deliberé Gejù dala mort. Ël l à lascià mené ora dant al popul. Y Gejù ie jit ora dant al popul cula curona de spines sul cë y cul mantel de scarlat ntëur la sciables. Pilato à po' dit al popul: "

Ecce homo

– cialëde cie uomo!" Ël ratova, che l popul ësse cumpascion.

Ma i majeri prevesc y si fanc à scumencià a svaié: "Sula crëusc cun ël, sula crëusc!"

Pilato à po dit: "Ie ne giape deguna colpa pra d'ël."

I Giudieres à po' respundù: "Nëus on na lege y do chësta lege muessel murì, pervia che ël nstës se à fat Fi de Die."

Śën à Pilato purvà per l ultim iede a deliberé Gejù. Ma i Giudieres svaiova: "Se tu lasces jì chësc, po' ne n'ies degun amich dl Coser!"

Sun chësta se à Pilato fat dé ca ega, se à lavà la mans y à dit: "Ie son inuzënt dl sanch de chësc giust. Pensëde vo!"

Y dut cant l popul à respundù: "Si sanch vënie sëura nëus y sëura nosc fions!"

Y śën finalmënter à Pilato dat do y à fat mëter Gejù sula crëusc.