Plattdütsch Billerbauk

Plattdütsch Billerbauk.
Dialect:	[[Dialekt:Mekelborgs\|]]
Text type:
Comment:	from: Plattdütsch Billerbauk. 1. Oplaag, Hinstorff, Rostock 1908 1908
:

„Dit un dat, -,
För Jeden wat.“

Biller von Ludwig Düwahl.

Hinstorff’sche Verlagsbuchhandlung, Wismar i. M.

Nord-Süd,
Ost-West,
tau Hus
is’t best.

Tuck, tuck, tuck, min Häuhneken,
Wat deihst in unsen Hof?
Du plückst uns all de Bläumeken,
Du makst dat gor tau groww!
Min Mudder ward di jagen,
Min Vadder ward di slahn!
Tuckhäuhneken, Tuckhäuhneken,
Wo ward dat di noch gahn!

In’t Holt steiht ’ne Popp,
hett ’n lütten Kopp,
hett ’n groten Haut,
doch man einen Faut
un kein Schauh dortau.
Wat is dat?
Nu rad man tau!

Kümmt ’n Mann ut Hickenpicken,
hett ’n Rock von dusend Flicken,
hett ’n knäkern Angesicht, hett ’n Kamm un kämmt sick nich,
hett ’n roden Bort -
hür, wat de Kirl rohrt!

Matten Haas’

Lütt Matten, de Haas’,
Dei makt sick en Spaß.
Hei wier bi’t Studiren,
Dat Danzen tau lihren,
Un danzt ganz allein
Up de achtersten Bein.

Kamm Reinke, de Voß
Un dacht: Dat’s ’ne Kost!
Un seggt: „Lüttje Matten,
So flink up de Patten?
Un danzt ganz allein
Up de achtersten Bein?“

„Kumm, lat uns tausam!
Ick kann as ’ne Dam’.
De Kreih, dei speelt Fidel,
Denn geiht dat kandidel,
Denn geiht dat mal schön
Up de achtersten Been!“

Lütt Matten geew Pot,
De Voß beet’ em dot.
Un sett sick in’n Schatten,
Verspist den lütt Matten.
De Kreih, dei kreeg ein
Von de achtersten Bein.

Kl. Groth.

Wenn’t regent.

Regen, Regen, rusch,
De König führt tau Busch
Lat den Regen äwergahn,
Lat de Sünn’ wedderkam’n!
Leiwe Sünn’, kumm wedder
Mit Din goll’ne Fedder!
Mit Din gollen Strahlen
Beschin uns alltaumalen!

Kiwitt, wo bliw ick

Kiwitt, wo bliw ick?
In’n Brummelbeerbusch,
Dor spring ick, dor spring ick,
Dor heww ik min Lust!
Dor seig ick min Saat, dor weid’ ick min Krut,
Dor reis’ ick mit Freuden taum Harwst wedder ’rut. -
Kiwitt, wo bliw ick? - In Pommerland,
Dor is min Vadder un Mudder bekannt.

Wer kann tellen?

Twei Eier in’n Pott,
Twei Ogen in’n Kopp,
Ein Hart in’n Liw,
Sünd dat nich Fiw?
Drei Soldaten up de Wacht,
Sünd dat nich Acht?
Ein Offizier mit’n Degen,
Sünd dat nich Negen?
Un denn noch so’n lütten dicken Schippskaptein,
Sünd dat nich Teihn?

Suse, leiwe Suse,

wo wahnt denn Peiter Kruse?
In de lütt Marienstrat,
wo all de lütten Dirns up Tüffeln gaht,
wo sei’t Geld in Schepels meten
un de Botter mit Lepels eten.

Katt un Tunkönig.

De Katt, dei satt in’n Nettelbusch,
In’n Nettelbusch verborgen
Dunn keem de lütte König ’rut
Un böd’ ehr gauden Morgen.
Gaud’n Morgen, Musch in’n Nettelbusch,
Wat sittst Du hier in Sorgen?
Nich wohr, wenn du man Flünken haddst,
Denn spis’t Du mi tau Morgen?

Adebor

Adebor, Du Langebein,
Ick heww Di so lang’ nich seihn.
Wonehm büst Du blewen? -
In’n hogen Häwen.
Wo hest all Din Kinner laten? -
Dei heww ’ck all in’n Himmel slaten.
Wennihr willst Du s’ wedder ’rute kriegen?

Wenn de Roggen riep is,
Wenn de Poggen piepet,
Wenn de gälen Beeren
An den Bom so glären,
Wenn de roden Appeln
An den Bom so klappern,
Wenn de blagen Plummen
An den Bom so summen.

'Ne Geschicht' tau'n Exempel.

Mak em dat mal nah!

.

Korl Slapmütz.

Poggen in'n Dik.

Wenn de Pott nu äwer'n Lock hett?

.

Dat Peitermännken in't Sweriner Sloss.

.

De Geschicht von den Geterower Häkt.

.

Dat Körbs-Utbröden.

.

Dat Wettlopen twischen den Hasen un den Swinegel.

.

De Afgunst.

.

De Buer un de Unnerird'sch.

.

As Ulenspeigel en Bäcker warden wull.

.

De Entdeckung von Amerika.

.

Ick un du un hei

Wi sünd Manne drei
Will’n den Bur’n in’n Keller krupen,
Will’n em all dat Bier utsupen.
Wenn hei fröggt: „Wer hett dat dahn?“
Will’n wi seggen: „De Ilk hett’t dahn!“

Un will hei dat denn nich glöwen,
Seggen wi, hei sall man täuwen,
Un maken ’t wedder so tau dreien, -
He, Bur! Hest den Ilk nich seihn?