Plattdeutscher Hebel/De Swattwaller in’n Briesgau

[210]

   In Müllen oppe Post,
Der dusend, sappermost!
Drinkt man dar en guden Win!
Glitt der rein as Bomöl rin,
In Müllen oppe Post.

   In Bürglen oppe Höh,
Nę dochen, wat ick seh!
O, wat wesselt Barg un Dahl,
Land un Water œwerall
In Bürglen oppe Höh!

   In Staufen oppen Mark
Dar hebbt se Allns in’t Wark,
Danz un Win un Lustbarkeit,
Allens, wat dat Hart man freut,
In Staufen oppen Mark.

[211]
   In Friborg inne Stadt,
Wa sauber is’t un glatt!
Rike Herrn, un Geld un Got,
Junfern, rein as Melk un Blot,
In Friborg inne Stadt!

   In jeder Eck un Kant,
Wa is’t en lusti Land,
Awer’s nöm ock Allens mi,
Een Deel dochen finnst du ni
In’t ganze schöne Land!

   Ick, dat du’t weest, ick holt’t
Mit Herischried in’n Wold;
Wo ick bün, dar denk ick d’ran, —
Oppe Gegend kummt’t nich an —
In Herischried in’n Wold.

   Dar inne lüttje Kath,
Wer makt denn so vęl Staat? —
Wat giffst du mi, so segg ick’t di,
En  Seken is’t, keen  Heken ni,
Dar inne lüttje Kath!