Prefazione per la Danza delle muse
Ghe presenti al bon publich de Milan
la scoperta eh’ hoo faa, ch’è minga tant,
d’on alter nost poetta ambrosian
senza fumm, senza ràntegh, senza guant,
faa giò a la benna senza s’ genadur,
che va semper lott lott lontan dal mur.
L’ è on bonvivan quiett, che, in di retaj
che ghe vanza, diremm, de sò mestee,
el sperla stamp, illustrazion, giornaj
e tant liber nostran che forestee,
pescandegh tbeura tutt el bon e el bell,
per dagh degna pastura al sò pennell.
Hoo ditt al sò pennell : perchè, sto amis
che se diverte a scriv in meneghin
e a mett li di bej vers senza tarlis,
l’è, in confidenza, el nost pittor Trezzin,
che r ha semper espost fior de quadrett,
simpatich per fattura e per soggelt.
L’ è della scoeula di fradej Indun,
anzi del sò caratter; de quij tai
che no ghe fan la cort proppi a nissun,
che stan semper al sciocch, che metten mai
el nas foeura de studi per cerca
i sciori che pò dagh de picei urà.
El g’ ha poeu anch el vizi, in mezz a quest,
de dass minga quell plèch de gran pittor
! Peccaa ! Perchè se sa che fraa Modest
rè mai staa muso de ri'ess priori
Viceversa in giornada, in conclusion,
bisogna batt on poo de tamboron.
Boeugna vess d’ona cricca e trova el vers
de andà su tucc i cronegh cittadin
o, lavora minga tant, e, in del temp pers,
dagh denter a ciappà fior de gainn,
e, tra on liter e l’alter de vin bon,
sparla di artista senza remission.
Bisogna stranoccià, se sorta ven,
vott dì per settimana ; dent per dent
dà via di bott, pur che la vaga ben,
anca a ris’c de quaj fevera terzana;
fa el Kin senza talent, senza danee...
Genio e sregolatezza de mestee.