Principi e fin
Fàla 'ndà a rost, o mètla a chœs a lèss
la roba in fin di cunt l'è sempr'istèss.
On ladr'al fà cent'ann dentr'in parson
côminciand a rôbà 'n qual palancon;
ôn povar crist l'è ciôch 'me 'n pôrslatin
incôminciand a bev ôn qual grapin;
ôn siôr che prima 'l giœga d'mà a palanch
andand avanti 'l pèrda i milafranch;
ôna fiœla la và ins la grama strà
tut par la côlpa dal so prim pecà!
E volta sta pôlenta, e volta, e volta,
l'è tuta la quistion dla prima volta!