Progreso/Triesma Yaro/Numero 28/Alta, basa ; supra, infra ; super, sub

[ 228 ]

Alta, basa ; supra, infra ; super, sub^[1].

Me tute aprobas basa quale kontrajo di alta. Pri la ceteri me ne exakte konkordas. Certe supra ed infra esas bone adjustigita, sed en la seryo citita mankas sur $=$ plu alte kam ula obyekto e kontaktanta ol. Esas logikale postulenda ke ca « altala » prepo­zi­ciono havez « basala » analogajo, e semblas ke por ta ideo sub esas la max naturala : ol signifikos konseque : plu base kam l’obyekto e kontaktanta ol, exemple : la subtaso esas sub la taso. Tale ni havos supre — infre, sur — sub ; nune mankas ankore analogajo di la prepo­zi­ciono super, ed oportas serchar ula, nam esas neadmisebla nelogikajo, ke alte on distingas la kontakto, e base ne. Me propozas : under segun E., qua vorto anke per sa fino analogesos la nuna super. Tale ni havos la kontrasti : alta — basa, sur — sub, super — under, supre — infre.

P. de Janko.

1. Rimarki adpri Progr. II, 664.