[ 315 ]The Month, a catholic magazine (junio) kontenas artiklo pri la L.I. qua expozas diversa opinioni. On demandas arbitro inter la diversa « proyekti ». On ne savas do, ke Ido esas precize la frukto di l’arbitro di la Delegitaro. Kad on volas institucar senfine nuva arbitri ? On komprenas ya la taktiko di l’Esperantisti, qui volus apelar konstante de un arbitro ad altra, rekuzante omna judikisti, til ke hazarde trovesus una, qua aceptus la « netuchebla linguo ». — On parolas pri Dilpok ; or Dilpok esis anke examenata, judikata e… forjetata da la Komitato di la Delegitaro.