Prose e poesie bellunesi 2011/14
div style="font-family:Georgia, Times New Roman, Times, serif;serif;">
Federico Soppelsa.
La giostra.
De chi ani i ghe ciamea “i mestieri sbaliai”,
l avea la giostra e el tiro a segno senpre tacai:
no l se metea su n pra bel dret e co l erbeta,
ma su stret e col giaron, via a Veroneta.
Mi ere en bocia e par noi alora vede na giostra
l era n evento straordinario, la sentiane anca en cin nostra.
Tante luci colorade che a contale se fea fin fadiga,
el giradischi co le canzon de Celentano che te sentii fin da lontan
Posto par girà ghen era poc e le carieghe le sfalivea i muret
sia su le scale del tabachin che sora el Biois verso l Giacomin.
Se per caso te saltei fora da la cariega de la giostra
o te te catei in mez a le Alfa e le Sax
opura du ente l Biois in mez ai sas.
El paron del Luna Park l avea anca tanti fioi
e noi riane contenti s i venia a scola con noi.
Se te t i fei amighi i te regalea i getoni de la giostra,
l unico modo par montà su, parché i schei i era pochi a casa nostra.
Che fea dì avanti el tiro a segno l era so fia,
la era talmente bela che la Loren no la ghe n podea nia:
i dea tuti a vede sta tosata straordinaria
e con chela scusa i tirea anca co la carabina a ria.
Te n canton de chel picol tiro a segno
l era en orso, cossì grant che l parea vero,
l avea el corpo pien de botogn,
su le zate, sul peto e parfin sui comedogn.
Ogni ota che valgugn i lo centraa,
l orso el fea en gran vers e el se movea:
i popi picoi i ciapaa parfin paura,
i brazolea so pare e i se tachea su su la ventura.
Dopo l era le bambole che parea vere, su su la scanzia,
sol chi che fea na strage de centri e se le portea via:
le era rosse, bionde, more, alte en metro, ben vestide.
Co i se n ascordea cuant ch i avea spendù par ciapale,
ghe passea la voia anca de ride!
Dopo na setimana de festa i desfea su tut,
e co te passei là i prim dì l era en cin brut.
Te parea de vede ancora la giostra che girea,
de sentì la musica che el giradischi el ne mandea.
(Zenzenighe-Cencenighe Agordino)