Prozne kubłanje
| nadpis | Prozne kubłanje |
|---|---|
| awtor | Jan Bogumił Nytška |
| lěto | 1871 |
| žrědło | Łužičan, No 3/1871 b. 36 |
| licenca | public domain |
| nota | nowy pšawopis |
Měł som młode kanarki,
Seźece w rumnej klětce,
Śiwkali su, - grajkali,
Kaž te mjatele na grědce.
Chytšy sused k pšawicy
Spiwa rědnje ze wšej prócu;
Bachtaŕ toś na lěwicy
Žerjo se kaž sroka z mócu.
Ptašacki te słuchachu, -
Spyt’wachu se po wšych głosach;
Źins kusk lěpjej šćakocu,
Ak te wroble žyn we kłosach.
Běda tam tym źiśetkam,
Źož se modle – a tež klěju!
Groniš nikom’ njetrjebam,
Kake rěcy z wust jim zněju.
| nadpis | Prozne kubłanje |
|---|---|
| awtor | Jan Bogumił Nytška |
| lěto | 1871 |
| žrědło | |
| licenca | public domain |
| nota | stary pšawopis |
Měł som młode kanaŕki,
Seźece w rumnej klětce,
Śiwkali su, - grajkali,
Kaž te mjatele na grědce.
Chytřy sused k přawicy
Spiwa rědnje ze wšej prócu;
Bachtaŕ toś na lěwicy
Zerjo se kaž sroka z mócu.
Ptašacki te słuchachu, -
Spyt’wachu se po wšych głosach;
Źins kusk lěpjej šćakocu,
Ak te wroble žyn we kłosach.
Běda tam tym źiśetkam,
Źož se modle – a tež klěju!
Groniš nikom’ njetrjebam,
Kake rěcy z hust jim zněju.