Quer dör de Hei

Quer dör de Hei.
Author:	Gottlieb Müller Suderburg
Dialect:	[[Dialekt:Oostfääls|]]
Text type:
Comment:
:

Witten Sand un brune Hei’,
Hoch an’n Hewen Hawk un Kreih;
Moorgrund, Rischen, Watertümpel
Un dorup en Aantenhümpel;
Barken up den Barg dor haben
Un dorin en Strohdack-Kaben;
Af un an en grasig’n Stremel
Un en Fuhrn- un Dannenremel,
Un en Smaper un en Hund
Un en Immentun in’n Grund.
Dör de Krons- un Drunkelbeern
Türt en Olsch mit ehr lütt Deern;
Unner den Machangelbom
Schrickt en Has’ ut sinen Drom;
Un en Barkhohn flügt tohöcht,
Un en Reh gras’t in de Nöcht;
Un den smalen Heidstieg lang
Geihst alleen du dinen Gang,
Un Gel-Ämmer fleit’t un tüht’t;
Ach, wat sünd wi sel’ge Lüd!
“Sel’ge Lüd, Lüd, Lüd, Lüd!”