Quickborn/Kaneeljud

Quickborn

Our temple hath not left a stone
And Mockery sits on Salem's throne.

Byron Hebrew Melodies.

          Luerlüttje Kaneeljud!
Wa süht he verdweer ut!
Hangt Band ut, hangt Trand ut,
Handelt allerallerhand Grandgut.
    Isak, is dat Schipp kam?
    Is min Säwel mitkam?
    Krieg’k en Wagen, krieg’k en Popp,
    Krieg’k min Hot mit Feddern op?

    »Kinner, noch nicht!
    Tokum Johr kumt’t vellicht!
    Dat Woter weer dick worn,
    Mät teebn bet de Glicksorn!«

Luerlüttje Kaneeljud!
Wa süht he fidel ut!
So afscharn, so utfrarn,
Snackt jimmer, jimmer vun de Glücksaarn.

    Abraham, wo büst du?
    Vater Abram, sühst du?
    Truerbom vun Babylon,
    Wo’s de weise Salomon?