Quickborn/Keen Graff is so breet

1.
Keen Graff is so breet un keen Müer so hoch,
Wenn Twee sik man gut sünd, da drapt se sik doch.

2.
Keen Wedder so gruli, so düster keen Nacht,
Wenn Twee sik man sehn wüllt, so seht se sik sacht.

3.
Dat gift wul en Maanschin, dar schint wul en Steern,
Dat gift noch en Licht oder Lücht un Lantern.

4.
Dar finnt sik en Ledder, en Stegelsch un Steg:
Wenn Twee sik man leef hebbt – keen Sorg vær den Weg.