Quickborn/Nachtrüter

Bi’ ik keen Sadelperd, bruk ik keen Tom,
Plück ik min Ritpitsch af uten Wichelbom!

Nachtens wennt düster is, stormt dat un ras’t,
Min is dat beste Perd, wat de Wischen gras’t!

Black, reck de Poten ut! fleeg as de Wind!
Drigg mi dær Storm un Nach bet min leefste Kind!

Weest du wa’t Finster klickt? weest du wa’t deit?
Spring ik bi Leefste rin, spring du na de Weid! -

Lusti is’t Leben ahn Tægel un Tom!
Vageln plückt Kürschen: wokeen hört de Bom?