Ra coda ai badiote
- Ra coda ai badiote
1
Aré zerto anche vos
de sta storia cognizion
ma ió taje no no pos,
e se parlo éi ben rajon
2
I nos prees, ma i badiote
dute i mode i à zercà
parché el "Saio" sti galiote
no i l vorea pioan ca.
3
E ministre i é de Dio
chesta sorte de birboi?
che i m'i lasce a mi parbìo
ió sci i fejo vienì boi.
4
No de zerto che ciamade
ca in Anpezo nos no i on.
Parai fora che i s' in vade,
Nos badiote no in voron ...
6
El Zardini, chera volpe,
'l ea el capo, ma in scondon
el menaa chi outre tolpe
come un ciar par el temon
7
I s' aea betù in testa
sta famosa Trinità,
Un Finazzer, un Trebo e un Zesta,
de concore a pioan ca
8
Se i no śia co ra dures
el pioan non aesson
ma, varda se i é fegures,
i à fin scrito a Parsenon.
9
Al nosc vescovo i à dito
che son tante de inbroioi
a chi d' Inspruch po i à scrito
che son dute talianoi
10
De negun non éi riguardo
canche sei de fei delves:
no m' inporta ch' i me varde
i badiote del traès.