Riemels un Döntjes/Levy Hersch un de Nachtegall
Levy Hersch un de Nachtegall.
(En Hamborgsch Anekdot).
In Harvstehude wöört, dat is ju jüst
So’n Platz bi Hamborg, as ick keenen betern wüßt’,
Wo de Hamborgers drüm hinga’t spazeeren,
Wenn se in’n Gröönen sick wüllt amüseeren.
[068]Da güng’n to’n Sündags-Nahmiddags-Pläsehr
Wi eenst hinuut, wi wöören uhse Veer.
Wi seeten ünner’n schattgen Löwendack[1]
Uem eenen Disch un dreewen uhsen Snack;
Un ringsüm wöör noch männig Disch hinstellt,
Dran Hamborg’s jung’ un ohle Welt,
So wie se uut de Omnibussen kamen,
Platz nöhmen, Herrens un ook Damen.
Et seeten all veel Gäste hier am Oort,
Doch hörde man van Allen kuum een Woord,
Denn in’t Gebüsch leet eene Nachtegall sick hören,
De man dorch luuet[2] Swatzen nich wull stören.
An’n Dische links seet Levy Hersch mit dree Karnuten,
Dat wöören, nämlich disse dree, gar leege Snuten,
Se plappern van’t Theater, van de Oper, van’t Ballet,
Van Caffe, Hering, Thran un annern Fett —
Doch ehr Gebabbel un Geklöön[3] schien Levy to verdreeten,
De Schönheit der Natur de wull he bloot geneeten —
Drum rööp he een üm’t annre Mal in ehren Redeswall:
„ So hört doch, wie so schain schlogt dort de Nachtegall!“
’T is mäglich, dat he so’n Vergnöögen fünn an ehren Slägen,
Villicht ook däh he’t bloot üm siener Kalle wegen,
[069]De mit ehr Oellern sietwarts an’n Dische seet,
Dat Levy sick so in Entzückung ganz vergeet,
Un alle Oogenblick weddrüm bi Filomelen’s Schall
Uutrööp, „ Hört doch, wie schain schlogt dort de Nachtegall!“
Woll Manchen van de Gäst ringsum müßd dat upfallen,
Doch wat to üütern drup füll Keenen in van Allen
Bit jetzt — up eenmal neffen[4] us en Stüermann,
En ächt Hamborger Kind, de’t ook harr hört mit an,
Un den et woll nahgrade muggte annijeeren,
Dat Levy Hersch nich uphööl so to deklameeren —
De spröök to sienen Nahber, doch nich etwa liese,
Nä, recht im Baß, dat Jeder rings et hör’ im Kriese:
„Warüm dem Levy so de Nachtegall gefallt — weeßt dat? —
Nu denn — weil de nich rümgeiht mit dat Notenblatt!“
Original-Footnoten
Wikiborn-Footnoten