Sù i scal
Cià mi, biondina, cià sto sidellon...
L'è tropp pesant per quij sò bej manitt,
– Ch'el secca minga, ei, se pur l'è bon,...
Ma coss'el fa? Ghe gira i mezzanitt?...
– Se paga el dazi... – Moster!... – Tesoron...
– Che 'l vaga ai fratti! – Dio, che rizzolitt!
Per chi je fa? per mi? – Che bagolon!
Ch'el me lassa passà,... gh'hoo pressa, hoo ditt...
– Marietta... e st'acqua?... la ven sù doman?... –
– On refilé de gionta adess me tocca...
– Gh'hoo set anmì... – Ch'el tegna a cà qui man...
– Ghe voji in coo el sidèll de lù el me tocca...
– Me scotta i laver propi... – Che giavan! –
La rid la bionda, e lù le basa in bocca.