Bevü vatalubels vutiks,
In mela skömas seb, moskutiks,
Sävnoik, feno, töbom büt;
Nü petovöl jü lefogis,
Täno pedüsöl mela lokes, –
Ab vätop, level, deulmüt!
Non spag, de litasäv,
Non lit, de stelatäv;
Kiplad yuf, o God, Sölal!
Bäkienobs, sävü uts,
Ya nilü deulmal!
Zü, foetum vatlubelas,
In dibum hölik, skömamelas,
Sävnoik, feno, menik lad!
Ifi dutisük eblüfom,
Den, len talayof peklüfom,
Med umo vätik sins, de bad!
Non spag de litasäv!
Non lit de stelatäv!
Kiplad yuf! O God, Sölal!
Padukomös nog, büt,
Gä mofü deulmal!
