Savii chi l'è quel master de capella
Tanzi
Savii chi l'è quel master de capella (1759)
Savii chi l'è quel master de capella
che m'ha redutt a segn da podè dà
giudizi con reson del gran cantà
della stupenda sura Gabriella?
L'è che, imbattendem alla prœuva, quella
æria che dis: podess almanch parlà
la me fè, senza accorgem, grondonà
adree i ganass di madonnin, ohibella.
Nè l'è da dì ch'abbia piansgiuu parchè
me sippia innamoræ di fatti sœu;
che adess l'è tard, e ne ghe tendi pù;
l'è che, al sentì a trillà 'sto rossignœu,
bœugna che quest suzzeda de sò pè
par la potenza della soa vertù.