Sbottii foeura dall'oeuv, el cavallee
Gioann Rizzonich (1789-1875)
Sbottii foeura dall'oeuv, el cavallee
Sbottii foeura dall'oeuv, el cavallee
el mangia, el dorma, e poeu torna a mangià;
de quatter voeult el fà l'istess mestee,
poeu el s'impieniss, el ciappa el bosch, e el va:
e menand la soa testa innanz indree,
el comenza, da bravo, a lavorà,
finché fa la galetta, el perd i pee,
e el finiss on bordocch a deventà:
ma in quel modell de mumia nol ghe sta,
el se cambia in parpaj, el razza, el moeur,
el fa on vantagg all'omm, e nol le sa:
ma vun che dorm vott'ann, e no fà on ett,
che pò fà on gran vantagg, e no le voeur,
l'è on cavallee che moeur dal calcinett.