Se vel baratar la ciampana grana co chela da Busan
Se vel baratar la ciampana grana co chela da Busan
A Busan i é vegnui a saer che bela ciampana che noi aon. I à contratà su e ju, via e ca coi fascegn, fin che i é stac d'acort de baratar, col pat, che i Busanins abie da dar la sia grana
piena de moneide d'arjent. I Fascegn i à tout jù la grana e metuda sun ciar, ma ne ciavai ne manc no i era bogn de menarla nience un pas. Dò che i à fat ogni sforz per meverla de post, la se à metù a sonar. Ma che marevea! se sentìa chiste parole fora da la sonada:
"Per Sen Jan Batista son stata fata e per Sen Jan Batista voi servir!"
Se sà che fora de chel barat no l'é vegnu fora nia, e la grana la é restada te Fascia.