Sed Weku Rostem
Sed weku Rostem be dill qemçî le rexşî da, bezî
Wek geyişte xendekî payanî ‘umrî dabezî
Rojit e ey badî newrozî le bin befrî giran
Kanî pêy sirr bû, çinarîş destî çû, pençey tezî
Sunbulî zullf û gullî ruxsar û seruy qametî
Mangî nîsan û gullan neydî le nêw bax û rezî
Dulberim tenha ke bû lew beyne xoy rût kirdewe
Min dillim xoş bû ke çî dûbare daypoşî kezî
Xemze destî kirde naz û marî zullfî daxizî
Dill le ber pêy kewtibû, em deydizî ew deygezî
çakî sînem bo çî ew xeyyate naydirwêtewe
çawî bîmarî wicûdî kirdime derzî û dezî
Hacîb û Hacî hemû rojê be gij yek da deçûn
Bêheya bû ew sege ‘arî nebû,. Hacî bezî
|
This work was published before January 1, 1929, and is in the public domain worldwide because the author died at least 100 years ago. |