Serbske dobyće

nadpis	Serbske dobyće
lěto
žórło	http://texty.citanka.cz/
licenca	public domain
nota	stary prawopis, M. Hórnik, Historija serb. naroda

    Serbja so do Němcow hotowachu,
    Słowčka pak němscy 'šće njemóžachu.

    Swoje sej koniki sedłowachu,'
    Swoje sej wotrohi připinachu.

    Swoje sej mječiki připasachu,
    Do pola runeho zjězdźowachu.

    Prěni króć na wójnu wućahnychu,
    Wulke tam dobyće wudobychu.

    Hdyž bě to zhonił tam kral tón jich wjeŕch,
    Dał je jich wšitkich wón před sebje přińć.

    Wšitkich wón jara je wukhwalował,
    Do swojich wojakow wšitkich je wzał.

    Druhi króć na wójnu wućahnychu,
    Wulke tam dobyće wudobychu.

    Hdyž bě to zhonił tam kral tón jich wjeŕch,
    Dał je jich wšitkich wón před sebje přińć.

    Dał je jich wšitkich wón zwoblekać
    Do samoh' čorłacha čeŕwjeneho.

    Třeći króć na wójnu wućahnychu,
    Wulke tam dobyće wudobychu.

    Hdyž bě to zhonił tam kral tón jich wjeŕch,
    Dał je jich wšitkich wón před sebje přińć.

    Dał je wón kóždemu ryzy konja,
    Hišće tón swetły mječ k zejhrawanju.