Soldi boshima savdo xatti anbar afshonlar...
Soldi boshima savdo xatti anbar afshonlar
Qildi ko‘nglim oshifta turrasi parishonlar.
Nafsi dini islomiy bir boqishda oldilar
Surmali ko‘zi jallod bo‘yla mohi tobonlar.
Hajr shomi ko‘nglimda xolu zulfi savdosi
Shodliq kanor istab keldi yaxshi mehmonlar.
Ul go‘zal tag‘ofildin boqmadi asirig‘a
Bo‘ldi seli ashkimdin olam ichra to‘fonlar.
Chekkali mayi ishrat bermadi dame fursat
Ketdi royigon eldin xayf yaxshi davronlar.
Sayri gulshanu gulni naylayin visolisiz
Do‘zaxi muqarrardur yorsiz gulistonlar.
Husni kishvari shohi boqmadi Vaziriga
G‘ussalar yutub emdi o‘ldim, ey musulmonlar.
|
This work was published before January 1, 1929, and is in the public domain worldwide because the author died at least 100 years ago. |