Spodöp redaka

Volapükanes e spodeles nolümelopik obas: Begobs no gebön potakadis fomäta gletik de sentab bal, bi pönamon mutom papelön plo kads somik, ifi potamäk völadü sentab bal pesuklebom nog. Pönamon pademanom flanü potacal in New-York, kel cedom kadis at as no lületik plo potamelak bevünetik demü glet omas e tölatom omis as penedis peflänöl no säto.

Se Volapük: Gased al pakam Volapüka 1894, Nüm: 1, Pad: 8.