[ 5 ]
CRÓNÁN MNÁ SLÉIḂE.
A ċinnín óir, a ċoinneall mo ṫiġe-se,
Déanfair eolas dá siuḃlann an tír so.
A ḃéilín ḃuig do ḋeol mo ċíoċa,
Pógfaiḋ Muire ṫu ar a sliġe di.
A ġruaḋ ḃeag ċruinn is séiṁe ’ná síoda,
Leagdaiḋ Íosa a láiṁín mín ort.
Póga Ṁuire ar ḃéilín mo naoiḋe-se,
Láiṁín Ċríost ar leacain mo laoiġ ḃig!
Bí ciúin, a ṫeaċ, ’s a luiċíní liaṫa,
Coṁnuiġiḋ anoċt in ḃur gcuasaiḃ iaḋta.
A leoṁana ar an ḃfuinneoig, filliḋ ḃur sgiaṫa,
Cosgaiḋ ḃur gcrónán, a ċuileoga ciara.
A ḟeadóg ’s a ċrotaiġ, ṫar mo ṫeaċ ná triallaiḋ,
Ná laḃair, a ċaḋain, ag dul ṫar an sliaḃ so.
A ḋúile an tsléiḃe ḋúisiġeas go hiar-ṁoċ,
Ná corruiġiḋ anoċt go ngealaiḋ grian díḃ!