Sun bancon
Sun bancon.
Chëla jëuna, vië ma ca da me
Esse tan zeche da te cunté.
Ie vënie da Santa Cristina
É n sach de pluma de gialina;
Avëi ei bëndebò pesoch.
Ne uessa ciarié ite l stersoch?
Vië pu ca sun bancon
A udëi sce te ies da ulëi bon.
N jëunn ie tumà dal ciel
N plu bel sul mond ne n iel;
Segur ne l ares mei udù
Segur no l ares cunesciù.
O lascete pu mo cunté
Ie ulësse tan me maridé.
Ie ciële su ala stëiles,
Ie sé che l ie tan d' ëiles.
Po ciele su ala luna
Ie sé che l ie ne ie per me una.
O lascete dì o lascete cunté,
La vedla muta ne te lasci fé.
Stevia dlonch ora ie dut mia
L' ega plu bona ie n drë via.
Pué lasci ie la talpines,
Sejelé lasci ie la gialines
Po uleres bën n uem sciche me,
Ie che ue tan me maridé.