Sun ciampanil che toma
- Da nta Fodom.
Sun ciampanil che toma
Sun ciampanil che toma
l’ ora plu no và,
bele da n ann encà !
I pompieri da La Plié
s’ à calé de soura en ju
i zagri a destrighé,
e po i à cianté su
na dërt bela cianzon
ma puoch l à bù joé !..
Su ciampanil che toma
l’ ora s’ à ncanté,
e duc chi che passa
se mplánta a ie cialé !...
Da nzaol che l é rué
i mána en specialist,
el se mbráncia su i oglei
e po l à sentenzié:
che l abe bù l’ asiatica
volësse cuaji el nié !
ma mi con tánt de pratica
no volësse pa sbalié,
me tole el vetroscopio
e de plu voi ie cialé !...
Sun ciampanil che toma
l’ ora s’ à fermé,
e duc chi che ie ciala
scomencia a medité !...
Co l i à ben bù cialé
el disc zenza ejité:
po mascre de tumplons !
chilò l é enfluenzada
da velch de nia de bon,
che stufé l à dut Fodom
e vol la tramudé.
Se no mossei speté
se propio è da ve l dì!
che passe autri doi agn
e po la peia a jì,
se ben ei bù capì!
Sun ciampanil che toma
l’ ora stà a speté,
che passe sti doi agn
e dut l é rimedié !..
o l ciampanil che l tome
e feje na petada - de duta la sentada !