Talk:Main Page/Саха тыла

Викитека туох ордуктааҕый? edit

Манна киирбит киһи баҕар ыйытыан сөп, тоҕо манна сахалыы айымньылары угуохтаахпыный, атын электроннай библиотекалар бааллара буолуо дии, уонна оттон киһи бэйэтэ да саайт оҥорон онно сахалыы тиэкистэри киллэриэн сөп буоллаҕа иҥин диэн. Өссө: Тоҕо биһиги, сахалар, ханна баара биллибэт ханнык эрэ Викимедиа пуондатын өйүөхтээхпитий?

Мин саныахпар Викитека хас да уһулуччулах өрүттээх. Холобур манныктары бүгүн буллум:

  1. Босхо - ханнык баҕарар айымньыны киллэрэр да, ааҕар эбэтэр хачайдаан ылар да харчыны эрэйбэт; харчы төлөөбөтөххө сабыллан хаалар куттала суох, киллэрбит айымньыҥ ханна да сүппэт.
  2. Өр сылларга куруук баар буолуо диэн эрэл баар;
  3. Көҥүл - ким да атын киһи быраабын күөмчүлээбэт;
  4. Туспа сиэрдээх - ол аата айымньылар дуу, атын файллар дуу бөх курдук сыппаттарын мэктиэлиир, барыта наарданан, дьон сүбэтинэн ордук тупсарыллан иһэр бэйэтин бэйэтэ бэрээдэктиир сир.
  5. Викимедиа - общественнай тэрилтэ. Ол аата бар дьон (көҥүл өттүнэн түмүллүбүт дьон, сообщество) санаатынан сайдар тэрилтэ.
  6. Сахалыы Викитека - улахан бырайыак сорҕото, ол аата атын омук викитекаларын ресурсаларын туһанан, атын да вики-бырайыактар потенциалларын туһанан ордук тирэхтээх бырайыак буолар.

--HalanTul 01:46, 5 February 2008 (UTC)Reply

Викитека диэн сахалыыта edit

Викитека диэн сахалыыта туох буоларый? --80.73.80.49 11:17, 16 June 2008 (UTC)Reply

Бикитиэкэ. Сахалыы Бикитиэкэ. --HalanTul 06:30, 6 November 2009 (UTC)Reply
Return to "Main Page/Саха тыла" page.