Talk:Main Page/ತುಳು

ತುಳುನಾಡ್ ದ ಕೃಷಿ ಬದ್ಕ್ ಗ್ ಸಂಬಂಧ ಪಟ್ಟಿನ ಕೆಲವು (50) ಗಾದೆಲು ಅತ್ತ್ಂಡಾ ನುಡಿಕಟ್ಟ್ ಲು.

1. ತಗ್ಗಿ ಕಂಡೊಗು ಮೂಜಿ ಬುಲೆ , ಏರಿ ಕಂಡೊಗು ಒಂಜೇ ಬುಲೆ.

2. ಮರಿ ತುಚ್ಚಿಂಡ ಮರ್ದ್ ಉಂಡು, ಆಂಡಾ ಮಣ್ಣ್ ತುಚ್ಚಿಂಡ ಮರ್ದ್ ಇಜ್ಜಿ.

3. ಚೆಂಡ್ ನ್ನಾ ಮಣ್ಣ್ ನ್ನಾ ಒಟ್ಟುಗು ದೊಂಕೆರೆ ಬಲ್ಲೀ.

4. ಪಗೆಲ ತೆಲ್ಕೆದಾಯನ್ ಒಂಜಿ ಹಜ್ಜೊಗುಲಾ ನಂಬರೆ ಬಲ್ಲೀ.

5. ಪಾತೆರ ಪಾತೆರೆೊಗು ತೆಲಿಪುನ ಪೊಂಜೆವೆನ್ ಲಾ ಬುಲಿಪುನ ಅಂಜೊವೆನ್ ಲಾ ಏಪಲಾ ನಂಬರೆ ಬಲ್ಲೀ.

6. ಸಂಬಂಧ ಪಂಡ ಕುಡುಟ್ಟು ಒಂಜಿ ತಮ್ಮಲೆ ಇತ್ತಿಲೆಕ್ಕಾ.

7. ನಾಯಿದ ಮೈಟ್ ಏತ್ ಕುಜಲ್ ಇತ್ತ್ಂಡಲಾ ಕಿಲೇಸಿಗ್ ದಾದ ಲಾಭ.

8. ಕಂಡೊಗು ಕಟ್ಟಪುಣಿ ಗಟ್ಟಿ ಬೋಡು , ಪೊಣ್ಣಗ್ ತಮೇರಿ ಗಟ್ಟಿ ಬೋಡು.

9. ಮಗಳೆನ್ ಮುಟ್ಟಲೆದಾಯಗ್ ಕೊರಿಯರೆ ಇಜ್ಜಿ ಮುಂಡಾಸ್ ದಾಯೆ ಬರ್ಪುಜೆ.

10. ದುಂಬೊರ್ತಿ ದೊಂಬು ಕಾಯೊಂದಿಪ್ಪುನಗಾ ಕಂಡನಿಯಡಾ ಪೇನ್ ತೊಯಿಪದೊಲ್ ಗೇ ಬರ್ಸ ಬನ್ನಗ ಕುಂಟು ಮಡಿ ಮಲ್ಪರೆ ಪೋತೊಲುಗೇ.

11. ಪಾರುನ ತೌಡುಗು ನಾಲಾಯಿ ನೀಟವುನ ಬುದ್ದಿ.

12. ಮೆಣ್ಪುರಿ ಪಂತ್ಂಡ್ ಗೇ ಎನ್ನ ಪೀಂಕನ್ ಡೇ ಊರುಗು ಬೊಲ್ಪಾಪುನ ಪಂದ್.

13. ಉಮಿತ್ತ ತೂ ಗುಮೆಲುನ ಗೊತ್ತಾವಂದ್.

14. ಕಂಜಿದ ಅಂಬಿ ಸುದ್ದೊಗು ಆವಂದ್.

15. ಎರು ಜಾತಿಗ್ ಬಡು ಜಾತಿಯೇ ಆವೊಡು.

16. ತಡ್ಪೆಗ್ ಅಂಬಿದ ಬಲ, ಅಜ್ಜೆರೆಗ್ ನುಪ್ಪುದ ಬಲ.

17. ಕಯಿಪೆ ಬಾಯಿದಾಯೆ ಬೆಂದ್ ದ್ ಮಲ್ಪರೆ ಚೀಪೆ ಬಾಯಿದಾಯೆ ಕುಲ್ಲುದು ತಿನಿಯರೆ.

18. ಆಣಗ್ ಮೀಸೆ ಬನ್ನಗ ದೇಸ ತೋಜಂದ್, ಪೊಣ್ಣಗ್ ಮಿರೆ ಬನ್ನಗ ಧರೆ (ಭೂಮಿ) ತೋಜಂದ್.

19. ಆಣಗ್ ಪ್ರಾಯ ಬನ್ನಗ ಎರುಕ್ಕು ತಾಡ್ ಗನಾ ಎರು ಕಟ್ಟ್ ದಿನ ಗೂಂಟೊಗು ತಾಡ್ ಗನಾ ಪಂದ್ ಆಪುಂಡು.

20. ಆಣಗ್ ಪದಿನೆನ್ಮ ವರ್ಸೊಗು ದುಂಬು ಇಲ್ಲದ ಯಜಮಾಂತನ ತಿಕ್ಕಿಯರೆ ಬಲ್ಲೀ, ಅಜಿಪ್ಪ ವರ್ಸೊಡ್ದು ಬೊಕ್ಕ ಜುಲಾಬ್ ಪೋಯರೆ ಬಲ್ಲೀ.

21. ಪೊಣ್ಣಾದ್ ಪುಟ್ಯರೆ ಬಲ್ಲಿ , ತೊಜಂಕಾದ್ ಕೊಡಿಪರೆ ಬಲ್ಲಿ.

22. ಬುಡೆದಿಡ ಮನಸ್ಸ್ ದಾಂತಿನಯೇ ಬೆಂಞಣೊಡು ಕಲ್ಲ್ ಉಂಡು ಪಂತೆಗೇ.

23. ಕುರಿಪೋತಿ ಕುಂಬುಡೊಗು ತೆಟ್ಟ್ ಪೋತಿನ ತಾರಾಯಿ.

24. ಕುಂಬುಡ ಕುರಿನ ಗೊತ್ತಾವಂದ್.ಎದುರು ಕೂಲಿದಾಯನ ಜೀವಪೋಯಿನ ಗೊತ್ತಾವಂದ್.

25. ಅಡ್ಡೆ ಮಲ್ಪರೆ ತೆರಿಯಂದಿನಾಲ್ ಮಲ್ಪುನು ಮನ್ನಿ,ಪಾತೆರೆರೆ ತೆರಿಯಂದಿನಾಯೆ ಪಾತೆರುನೆ ನಿನ್ನಿ.

26. ಬೆಯಿತ್ ದ್ ಅರಿಪೋದು ನುಪ್ಪು ಆದ್, ಗಂಜಿ ಕಲಡ್ದ್ ಮಡ್ಡಿ ಆತ್ಂಡ್.

27. ಮಲ್ದಿನ ಉಪಕಾರ ಕಷ್ಟಕಾಲೊಡು ಕಟ್ಟದ ನೀರ್ ತಿಕ್ಕಿಲೆಕ್ಕಾಂಡ್.

28. ಬಿರ್ಸಾತಿಕೆದಾಯೆ ಕಲ್ಲೆಗ್ ಲಾ ತಿಕ್ಕಯೆ ಬಲ್ಲ್ ಗ್ ಲಾ ತಿಕ್ಕಯೆ.

29. ಬರಿಟ್ ಕುಲ್ಲುದು ಉಜ್ಜೆರ್ದ ಪೆಟ್ಟ್ ತಪ್ಪಾವುನ ಜಾತಿದಾಯೆ.

30. ರಡ್ಡ್ ಎರುತ್ತಾಯೆ ನಾಲೆರುತ್ತಾಯನ ದೋಸ್ತಿ ಮಲ್ಪೊಡು. ಎರುದಾಂತಿನಾಯನ ದೋಸ್ತಿ ಅತ್ತ್.

31. ಬೊರಿಯೆರೆ ಆನಗ ಬೋರಿ ಆಪೇ,ದಪ್ಪೆರೆ ಆನಗ ಪೆತ್ತ ಆಪೇ.

32. ನಾಲಾಯಿ ಪಂಡ ಬಾರೀ ಸಪಾಯಿ, ಪೀಂಕನ್ ಡೇ ನೂರ್ದು ಬಾಯಿಡೇ ಬರು.

33. ಪತ್ತನಾಜೆಗ್ ಪತ್ತ್ ಪನಿ ಆಂಡಲಾ ಬರ್ಸ ಕುಡ್ಪು.

34. ಮಾಯಿಡ್ದ್ ಬೊಕ್ಕ ಮರಿಯಾಲ ಆಟಿಡ್ದ್ ಬೊಕ್ಕ ಅರೆಗಾಲ.

35. ನುಂಗೆಲ್ ಪೀಕ್ ಬರ್ಸ ಬತ್ತ್ಂಡಾ ಉರೊರ್ಮೆ ನಾತ.

36. ಬಡವಗ್ ಮಲ್ಲಾದಿಗೆ ಬತ್ತ್ಂಡಾ ತಿಂಗೊಲ್ದ ಬೊಲ್ಪುಗುಲಾ ಕೊಡೆ ಪತ್ತುವೆ.

37. ಮಂಗಗ್ ತಿಕ್ಕಿನ ಮಾಣಿಕ್ಯೊನು ಒರ ತರೆಕ್ಕ್ ದೀತ್ಂಡ್ ಗೇ ಒರ ಪೀಂಕನ್ ಗ್ ದೀತ್ಂಡ್ ಗೇ.

38. ಆಟಿದ ದೊಂಬುಗು ಆನೆದ ಬೆರಿ ಪುಡವು.

39. ಪುನರ್ವಸ್ ದ ಬರ್ಸ ಪುಣ ಪಿದಯಿ ದೀವರೆ ಬುಡಂದ್.

40. ಪುಷ್ಯದ ಬರ್ಸ ಪುಚ್ಚೆದ ಪುಣೊನುಲಾ ಕೌಂಪರೆ ಬುಡಂದ್.

41. ಎಣೆಲ್ದ ಬೆನ್ನಿ ಮುತ್ತೇಸಿ ದಾಂತಿನ ಪೊಂಜೊವು, ಸುಗ್ಗಿದ ಬೆನ್ನಿ ಪೊಸ ಮದಿಮಾಲ್.

42. ಎಣೆಲ್ದ ಬೆನ್ನಿ ಸೂಳೆ, ಸುಗ್ಗಿದ ಬೆನ್ನಿ ಕೈದಾರೆದ ಬುಡೆದಿ.

43. ಎಣೆಲ್ದ ಬೆನ್ನಿ ಸೂಳೆ, ಸುಗ್ಗಿದ ಬೆನ್ನಿ ಮದಿಮಾಲ್, ಕೊಳಕೆದ ಬೆನ್ನಿ ಪೆದ್ಮೆದಿ.

44. ಅರಿಬಾರ್ ಇತ್ತಿನವುಲು ಎಲಿಪೆರ್ಗುಡೆಗ್ ಜದ್ರ ಇಜ್ಜಿ.

45. ಕಡೆಯಿನ ಬಂದ ತೆಲ್ಪು ಆಂಡಾ ತೆಲ್ಲಾವು ಮಯಿಪುವೊಲು, ದಪ್ಪ ಆಂಡಾ ರೊಟ್ಟಿ ಪತ್ತಾವೊಲು.

46. ಆಣ್ ಮಗೆ ಕೆಸರ್ ಇತ್ತಿನಲ್ಪ ದೊಂಕೊನುವೇ, ನೀರ್ ಇತ್ತಿನಲ್ಪ ದೆಕ್ಕೆೊನುವೇ.

47. ಆಜಿ ಪೆದ್ದಿನಾಲೆಗ್ ಮೂಜಿ ಪೆದ್ದಿನಾಲ್ ಕಲ್ಪಾಯಿಲೆಕ್ಕ.

48. ದುಂಬೊರಿ ಬುಡೆದಿನ್ ಬುಡ್ದು ಸೂಳೆನ್ ಕನಬೈದೆಗೆ.

49. ಆನೆ ಸಿರ್ಕ್ಂಡಲಾ ಕರೆಂಕಿಲ್ ನೂರಂದ್.

50. ಆಟಿಡ್ ನಕ್ಕುರು ಅಹಂಕಾರೊಡು ಮರಿಟ್ಟ ಪೊಣ್ಣು ಕೇನಿಯರೆ ಪೋತುಂಡುಗೇ

😆😆😆😆 Raghunath N Shetty (talk) 22:50, 16 November 2024 (UTC)

ಕಂಡ ಪೋಂಡು ತೋಟ ಬತ್ತ್ಂಡ್x. ನಮ ಕಂಡ ನಿಗಿತ್ತ್ ದ್ ತೋಟ ದೀಯಾ. ಆಂಡಾ ಕಂಡ ಪೋಯಿನೆತ್ತ ಒಟ್ಟುಗು ಏತೋ ತುಳು ಶಬ್ದೊಲು ಮಾಯಕ ಆದ್ ಪೋಯ..... ತೂಲೆ..........

ಕಂಡ, ಗಂಪ ಕಂಡ ಕೊಲಂಬೆ ಕೊಲೆಂಜಿ ಬಲ್ಲಿ ಬೊಟ್ಟು ಬಾನ ಬೆಟ್ಟು ಬಾಕಿಮಾರ್ ಕಂಬುಲ ಒಡ್ಡ ನೀರ ಬೊಟ್ಟು ಮಜಲ್ ಕುಮೇರ್ ಎಣೆಲ್ ಸುಗ್ಗಿ ಕೊಳಕೆ ಇಡೆಕೊಳಕೆ ಪಟ್ಲ ಪಡಿಲ್ ಚಾಲ ಗೇಣಿ ಮೂಲ ಗೇಣಿ ಗೇಣಿ ಚೀಟ್ ಪುಣಿ, ಕಟ್ಟ ಪುಣಿ, ಅಮರೆ, ಕಡಿ, ಕಂಡ ಕಡ್ಪುನು (ಬರ್ಚೆಲ್,ದಂಬೆ ಕಡ್ಪುನು) ಪುಂಡಿತ್ತ್ / ಪುಂಡಿ ಬಿತ್ತ್ ಪೊಡಿ ಬೆರವುನು (ತೂಂಟಾನ್,ಬೊಣ್ಯ, ಈಟ್,ಬಿತ್ತ್) ಗೊಬ್ಬರ ತುಂಬುನು ಗೊಬ್ಬರದ ಬಟ್ಟಿ ಗೊಬ್ಬರದ ಕೊಕ್ಕೆ ಗೊಬ್ಬರದ ಗುಂಡಿ ಗೊಬ್ಬರ ಕಂತವುನು (ಕಂಡೊಗು) ಅಂಬಿ ಪೆಜಿಪ್ಪುನು ಬೆಜಂಟ್ ಪೆಜಿಪ್ಪುನು ಬೆಜಂಟ್ ಪತ್ತಾವುನು ಬಜಕ್ರೆ ಬಜಕ್ರೆ ಅರವುನು ಬಜಕ್ರೆದ ಮುಟ್ಟೆ ಬಜಕ್ರೆದ ಕುರ್ಕಿಲ್/ಕುತ್ತರಿ ಸಲಯಿ = 100 ಕೋರ್ಜಿ= 42 ಕಂಡ ಬಿತ್ತುನು ಎರ್ಲು ಬೋರ್ಲು ಪುರ್ಗ ಮಡ್ಡಿ ಕುಡು ಮೆದ್ಪುನು ಕುಡು ಕಡೆಪುನು ಮಾತೊಗು, ಉಲಯಿಗ್, ಮಾದಾವುನು, ಪನಿ ಮೇಕೆ ಎದುರು (ಸುರುತ) ಕೋರಿ ಕೆಲೆಪು ಪಿರವುದ (ಬೊಕ್ಕದ) ಕೋರಿ ಕೆಲೆಪು ಎರ್ಲೆ ಮೇಪಾವುನು ಕೈಕಂಜಿ ಮೇಪಾವುನು ಸೊರ್ಕೆಲ್ ಒಲಮ್ಮೆ ಮೂಂಕು ಸುರಿಯುನು ಮೂಂಕುದ ಬಲ್ಲ್ ಕಿದೆ ಬೈಯಿಪನೆ ಬೈತಟ್ಟ / ಕಿದತ್ತ ಅಟ್ಟ (ಬಯಿ ಮುಟ್ಟುನ ಅಟ್ಟ) ಮರಯಿ ದರಿಗುಂಟ ಅರ್ಕಂಜಿ ಅರ್ಕಂಜಿ ಕೊಟ್ಯ ಅರ್ಕಂಜಿದ ಮಂಡೆ /ಗುರ್ಕೆ ಕಪ್ಪಲ್ ಉರಲ್, ನಾಯೆರ್/ ನಾವೆರ್, ಮುಣೆ, ಪುಡ್ಕಯಿ, ಕೀಲ್, ಪಣೊರು, ಪತ್ತ್, ಪಾಂದಾವು/,ಪಾಂದಾಲ್ , ಕಲ್ಲಿಕಟ್ಟ, ಬಡು, ನುಗ, ಗುಂಡಲ, ಪಲಯಿ, ಪಲಯಿದ ಮಂಡೆ ಮಣಿಪುದ ಬಲ್ಲ್, ಪೊಣಕೆ, ಪೊಣಕೆದ ಬಲ್ಲ್, ದುಡಿ ಬಲ್ಲ್ ಎರು ಕಟ್ಟುನು ಕಟ್ಟ ಕಟ್ಟುನು ಕಟ್ಟ ಕಡ್ಪುನು ಸೊರ್ಪು, ಮಾದ್, ಕಣಿ, ಗುಜ್ಜಿ, ಮುಕ್ಕಾರ್, ಕೊಂತು, ಕೊರುಂಗೆ, ಒರ್ಲ ಇರ್ಲ ಸಾಲ್(ರಡ್ಡ್, ಮೂಜಿ, ನಾಲ್.....) ಪೊರಿ ಪೊರಿ ಕಟ್ಟುನು ಪೊರಿ ಬಿರಿಪುನು (ಪಿರಿಪುನು) ನೀರ್ ಗ್ ದಪ್ಪುನು ಪೊಡಿಕ್ ದಪ್ಪುನು ಪಲಯಿ ಮುಟ್ಟುನು ಕಂಡ ಕೋರುನು, ಗಿಟ್ಟೆ ಪೊಡಿ ಮಲ್ಪುನು ಬರ್ಚೆಲ್, ದಂಬೆ /ಕುರುಂಟು ಒಯಿಪುನು ಬರಿ ಕಡ್ಪುನು, ಬರಿ ಮಣ್ಣ್ ಮೆತ್ತುನು, ಪುಣಿ ಪೂಜುನು, ಬಾವೆ ಮಣ್ಣ್ ಕಲ್ಲಿದ ಕಾಪು, ಮುಕ್ಕಾರ್ ಕಾಪು ಪೂಕರೆ ಬುಲೆ ಬುಲೆ ಕಾಣಿಕೆ ಬಿದೆ ಕಜೆ ಬಿದೆ ಮಡಿ ಬಿದೆ ಕೈಬಿತ್ತ್ ದೀಪುನು ನಾಲೆರು ಮಾದಾವುನು ಬಿತ್ತ್, ಬಿತ್ತ್ ದ ಮುಡಿ, ಕುರುಂಟು ಬಿತ್ತ್ ನೀರ್ ಡ್ ದೀಪುನು, ಬಿತ್ತ್ ಗ್ ಅಂಬಿ ನೀರ್ ಕೊರುಪುನು ಪೊಜಿಲ್ ಬಿದೆ , ಕೊಡಿಪು ಬಾಲೆ ಕೊಡಿಪು, ನೇಜಿ, ನೀರ್ ನೇಜಿ, ಪೊಡಿ ನೇಜಿ, ನೇಜಿ ನಡುಪುನು ನೇಜಿ ಗೆಪ್ಪುನು ಮಾವು, ಮಾವು ಪೆಜಿಪ್ಪುನು ಕೊರಂಬು ಪಣೊಲಿ ಕಿಡೆಂಜೆಲ್ ತತ್ರ ಕುಣಲೆ ಸಂದಿ /ಪಾಡ್ದನ ಪನ್ಪುನು ನರ್ತೆ ಗುಲ್ಲ ಕೆಯಿ ಪೊಟ್ಟೆ ಆಪಿನ ಕೆಯಿ ಪಾಯ ಆಪಿನಿ ಕೊರಲ್ ಕೊರಲ್ ದಂಗುನು ಕೊರಲ್ ಕೊನಪುನು / ಇಲ್ಲ್ ದಿಂಜಾವುನು ಪುದ್ದಾರ್ ಬಾರ್, ಜಲ್ಲ್, ಬಯಿ ಒಡ್ಡು ಕಂಡ ಬಿತ್ತುನು ಕೆಯಿ ಕೊಯಿಪುನು ಕೆಯಿ ತುಂಬುನು ಕೆಯಿ ದರ್ಪುನು/ ಹಾಕುನು ಬಯಿತ ಮುಟ್ಟೆ ಬಯಿತ ಬಾರ್ ಬಯಿ ಕುಡುಪುನು ಬಯಿ ದರ್ಪುನು / ಹಾಕುನು ಬಾರ್ ದ ರಾಸಿ ಅರಿತ್ತ ರಾಸಿ ಬಾರ್ ನನೆಪುನು ಬಾರ್ ಬೆಯಿಪಾವುನು ಬಾರ್ ಪಾರಾವುನು ಬಾರ್ ಅಡಿಪುನು ಬಾರ್ ಒಯಿಪುನು/ಪಸರನು ಬಾರ್ ರಾಸಿ ಮಲ್ಪುನು ಬಾರ್ ಗ್ ಕಾರ್ ಪಾಡುನು ಬಾರ್ ಪೊಡೆಪುನು ಅರಿ ಪೊಡೆಪುನು ಕುತ್ತಟ್ಟ ಕದಿಕೆ /ತುಪ್ಪೆ ಪೊಲಿ ಲೆಪ್ಪುನು, ಪೊಲಿ ಪಾಡುನು, ಕಳಸೆ ಮಲ್ಲ ಕಳಸೆ ಸೇರ್ ಪಾವು ಕೊಂಡೆ ಆನೆ ಪಡಿ/ಪಡಿ ಮಂಚವು ಕೈಪುಲು ತಡ್ಪೆ ಕಂಚಡ್ಪೆ ಉಂಡ್ಯೆ ಮೊರಜ್ಜ ಮುಡಿ ಮುಡಿ ಕಟ್ಟುನು ಅರಿತ್ತ ಮುಡಿ ಬಾರ್ ದ ಮುಡಿ ಬಿತ್ತ್ ದ ಮುಡಿ ತೌಡುದ ಮುಡಿ ಕಲ್ಲೆ ಕೊದಂಟಿ ಉಜ್ಜೆರ್ ಉಜ್ಜೆರ್ ಸುತ್ತು ಉಜ್ಜೆರ್ ಕೂಲಿ ಅರಿ ನಿಂಗಲ್/ಕನ್ನಿ ಅರಿ ಬೊಲಂತೆ ಅರಿ ಉರ್ಪೆಲ್ ಅರಿ ಎದುರು (ಅರೆ) ಬೊಲಂತೆ ಅರಿ ಬೈತ ಅರಿ ಉಮಿ ತವುಡು ಗಂಜಿ ನುಪ್ಪು /ಉನುಪ್ಪು ತಂಞಣ ಗಂಜಿ ಕಬಿಡುನು/ತೆಲಿ ಅರಿಪುನು ಅಡ್ಯರ ಗಂಜಿ ಕಬಿಡುನ ಮರಯಿ ಕುಡ್ಪು ಕೈಸಟ್ಟಿ/ಕೈತಟ್ಟಿ/ತರ್ಮುಚ್ಚಿ ಪಣೆ ಪಣೆಕುತ್ತಿ ನೊಗಪಣೆ ಬೆರಿಮರ ಕಡೆಬಲ್ಲ್ ಪಣೆತ್ತಗುರಿ ಮರಯಿ ಬರೊಣಿ ಕರೆ ಗಿರ್ಗೊಲು ಪುದ ಮೊಟ್ಟು ನೀರ್ ಮಗಪುನು ನೀರ್ ಒಯಿಪುನು ಬಿದೆ ನೀರ್, ಅಮೆನೀರ್, ಕುರುವೆ, ಕಾಂಟ್ಯ ಪುಡಯಿ, ಕೊಟ್ಟು, ಪಿಕ್ಕಾಸ್, ಉರುವೊಲು, ಸೂಂಟಾನ್,/ ತೂಂಟಾನ್ ಬೊಣ್ಯ ಗೊಬ್ಬರ ಗೆಪ್ಪುನು (ಕಿದೆಡ್ದ್) ಗೊಬ್ಬರದ ಮುಟ್ಟೆ ಗೊಬ್ಬರದ ಕನೆ (ಕೋಲು) ಗೊಬ್ಬರ ತುಂಬುನು ಗೊಬ್ಬರ ಬಿರ್ಕುನು(ಕಂಡೊಗು) ಗೊಬ್ಬರ ಕಂತಾವುನು (ಕಂಡೊಗು) ನೀರ್ ಎರ್ಕಾವುನು ನೀರ್ ಆಜಾವುನು ನೀರ್ ಒಡ್ಡಾವುನು ನನಲಾ ಒಂಜಾತ್ ಶಬ್ದೊಲು....................ಯಾನ್ ನಾಡೊಂದುಲ್ಲೆ.......ನಿಕುಲುಲಾ ನಾಡ್ ಲೇ.......ತಿಕ್ಕ್ಂಡಾ ಪೆಜ್ಜಿದ್ ಒಂಜಿ ಬರಿಟ್ ರಾಶಿ ಪಾಡ್ ಗಾ ಬಲೇ............ Raghunath N Shetty (talk) 22:55, 16 November 2024 (UTC)