Tap nedänik

POLETTI.

Vöno, ven nedänels pädaloms tedön ko Cinän, fizir kömädel de joläns änevilom omes al länön, bi äbinoms lemödik.

Nedänels äbegoms das luüno ägevon-la omis dilati läna, vidik as tap sembal, e kömädel, tiköl das at no äkanom binön vemo gletik, äzepom.

Tap sembal, sätik plo seitön suso menis tel, päblinom su jol; ab tenöl omi pägletom säto plo mens fol u lul; pluo ätenoms, pluo mens älänoms jü tap äspadom mui bal (laris lul) ko suso tumats mödik de mens, kels pianiko yufü neifs omik lenlönoms dilati läna gletik de milmets lemödumik.

Se Volapük: Gased bevünetik tedelik, nolik, literatik e gälodik 1887, Nüm: 7, Pad: 79.