Te Kiri Ngutu
Whakaara
Kaea:
Ponga ra! Ponga ra!
Katoa:
Ka tataki mai Te Whare o nga Ture!
Ka whiria te Maori! Ka whiria!
Ngau nei ona reiti, ngau nei ona taake!
A ha ha! Te taea te ueue! I aue! Hei!
Patua i te whenua!
Hei!
Whakataua i nga ture!
Hei!
A ha ha!
Na nga Mema ra te kohuru
Na te Kawana te koheriheri!
Ka raruraru nga ture!
Ka raparapa ki te pua torori! I aue!
Te Tinana
Kaore hoki te mate o te whenua e
Te makere atu ki raro ra!
A ha ha! Iri tonu mai runga
O te kiringutu mau mai ai,
Hei tipare tana mo te hoariri!
A ha ha! I tahuna mai au
Ki te whakahere toto koa,
A ki te ngakau o te whenua nei,
Ki te koura! I aue, taukuri e!
A ha ha!
Ko tuhikitia, ko tuhapainga
I raro i te whero o te Maori! Hukiti!
A ha ha! Na te ngutu o te Maori,
Pohara kai kutu,
Na te weriweri koe i homai ki konei?
E kaore iara, i haramai tonu koe
Ki te kai whenua!
Pokokohua!
Kauramokai! Hei!
A ha ha!
Kei puta atu hoki te ihu o te waka
I nga torouka o Niu Tireni,
Ka paia pukutia mai e nga uaua
O te ture a te Kawana!
Te taea te ueue!
Au! Au! Aue!
|
This work was published before January 1, 1929, and is in the public domain worldwide because the author died at least 100 years ago. |