Te Ope Tuatahi
Te ope tuatahi
No Aotearoa
No Te Wai-pounamu;
No nga tai e wha.
Ko koutou ena
E nga rau e rima,
Te Hokowhitu toa
A Tu-matau-enga:
I hinga ka Ihipa,
Ki Karipori ra ia.
E ngau nei te aroha,
Me te mamae.
Te ope tuarua,
No Mahaki rawa,
Na Hauiti koe,
Na Porourangi:
I haere ai Hēnare
Me tō wiwi,
I patu ki te pakanga,
Ki Para-nihi ra ia.
Ko wai he morehu
Hei kawe korero
Ki te iwi nui e,
E taukuri nei?
Te ope tua-iwa
No Te Arawa,
No Te Tai-rawhiti,
No Kahungunu.
E haere ana au
Ki runga o Wiwi
Ki reira au nei,
E tangi ai.
Me mihi kau atu
I te nuku o te whenua,
He konei ra e,
E te tau pumau.
|
This work is in the public domain in countries where the copyright term is the author's life plus 70 years or less. See Copyright.
|