Tērā ia te tai o Kāwhia:
Ka wehe koe i au, e.
He whakamaunga atu nāku,
Te ao ka rere mai
Nā runga mai o Te Motu
E tū noa mai rā koe ki au, e.
Ka mihi mamao au e
Ki te iwi rā e.
Ka pari e te tai,
Piki tū, piki rere,
Piki takina mai rā,
Te Kawau i Muriwhenua,
E kawea e te tere.
Tēnā taku manu
he manu ka onga noa,
Huna ki te whare
Te-Hau-o-Matariki.
Mā te whare pō rutu,
Mā te whare Ati-Awa,
E kautere mai rā,
Whaka-urupā taku aroha,
Nā.
|
Tai o Kawhia,
ka wehe koe i au, e
He whakamaunga atu nāku te ao,
Ka takawe
nā runga mai o te motu,
E tū noa mai rā koe ki au, e, i.
Nāku koi a waiho
i taku whenua,
I te rokohanga te taranga i a tāua
E hine ka mihi mamao au,
Ki te iwi rā-i-a
E paria e te tai,
Piki tū, piki rere,
piki takina mai ra,
Te kawa i muri-whenua,
te kawhea e te tere;
Tenā taku manu
he manu ka oma noa,
Runā ki te whare,
te au o Matariki,
Mā te whare Pōrutu,
mā te rahi Āti-awa,
E kau-tere mai rā,
Ka urupā taku aroha, na, i.
|
Tērā ia ngā tai o Kāwhia,
Ka wehe koe i au, e.
He whakamaunga atu nāku,
te ao ka rere mai
Nā runga mai o Te Motu
E tū noa mai rā koe ki au, e.
Ka mihi mamao au e,
Ki te iwi rā e.
Ka pari e te tai,
Piki tū, piki rere,
Piki takina mai rā,
Te Kawau i Muriwhenua,
E kawea e te tere (heke).
Tēnā taku manu
he manu ka onga (taonga) noa,
Huna ki te whare
Te Hau-o-Matariki.
Mā te Whare-pōrutu,
Mā te whare Āti-Awa,
E kau tere mai rā,
Whakaurupā taku aroha,
Nā.
|
