Teachtaireacht ón Uachtarán Micheál D. Ó hUigínn,
Lá Fhéile Pádraig 2021
[ 00:07 ]Lenár ndaoine ag samhlú aiséirí na hÉireann ó scáth dochrach phaindéim Covid-19, [ 00:13 ]agus ár ndomhan mar atá sé, ag folaingt, i gcruachás de bharr easpa measa ar an gcothromaíocht idir riachtanais an tsaoil agus cumas athbheochana an phláinéid, [ 00:24 ]cén teachtaireacht is cuí a sheoladh an bliain seo, ar Lá le Pádraig 2021?
[ 00:31 ]Cén teachtaireacht is chuí le hÉireannaigh an oileáin, agus muintir na tíre fud fad na cruinne, iad go léir san áireamh, [ 00:39 ]Éireannaigh ó dhúchais agus iad siúd atá díreach tagtha chun na tíre, a roinnt le chéile an bhliain seo ar Lá Fhéile ár Naomhphátrúin?
[ 00:48 ]B’fhéidir, agus cúinsí éagsúla ann i mbliana, go mba fhearr dúinn an lá a bhunú arís ar scéal Naomh Pádraig. [ 00:57 ]Scéal cumhachtach, miotasach as a dtagann ár Lá Náisiúnta, scéal a chuireann muid os comhair an domhain ar fad ar an seachtú lá déag Márta gach bliain.
[ 01:07 ]Is mar sclábhaí a tháinig Pádraig go hÉirinn, d’éalaigh sé agus d’fhill sé arís. [ 01:14 ]Imirceach ab ea é. Tá sé lonnaithe i mbunchloch ár n-imircigh Éireannacha, [ 01:19 ]ár dteachtairí manachúla, i measc eisimirce an naoú haoise déag roimh an nGorta Mór agus caillteanas ár ndaoine a d’éalaigh ar mhaithe lena slánú i ndiaidh an Ghorta.
[ 01:30 ]Is fiú dúinn a choimeád a gcuimhne i gcónaí gurb’ é ár scéal ná sa bhliain 1901 bhí formhór na nÉireannach a rugadh ar oileán na hÉireann ina gcónaí thar lear.
[ 01:43 ]Lá speisialta is ea Lá Fhéile Pádraig, mar sin, le cuimhneachán a dhéanamh ar stair ár n-imirceach. [ 01:51 ]Is deis foghlama í freisin, mar aon le foinse ár mianta agus polasaithe sa mbaile is i gcéin.
[ 01:59 ]Sna h-áiteanna éagsúla a mbíodh Éireannaigh ag canadh, in ard a ngutha, ar Lá Fhéile Pádraig tráth, táthar ag glacadh páirt in a nguthanna, le pobail imirceach ar fud an domhain. [ 02:12 ]Pobail is ea iad seo a bhfuil na cianta caite acu ag sárú cúinsí reatha.
[ 02:18 ]Dúinne mar Éireannaigh, ba é Naomh Pádraig an teachtaire a thánaig chugainn, a thug leis tiomna faoin gcumhacht taobh amuigh den duine féin, [ 02:27 ]spiorad a mhúnlaigh croí na daonnachta.
[ 02:31 ]Imirceach ab ea é, a d’iompair leis teachtaireacht an imircigh bháúil agus a chruthaigh gurbh fhéidir í a nascadh le foinsí eile an spioraid. [ 02:40 ]Tá gach cineál éabhlóide agus spioraid taobh amuigh d’anró an duine tábhachtach.
[ 02:48 ]D’aithin ár bPátrún Pádraig an gá speisíalta a bhain lena theachtaireacht a fhí isteach sa mheas don nádúr, [ 02:57 ]dá chumas agus gealltanas athbheochana, tréith chomónta í seo sa spioradáltacht dhúchasach.
[ 03:05 ]Ar Lá Fhéile Pádraig 2021, [ 03:09 ]meabhraítear dúinn go roinneann muid go léir an bhuairt, an spleáchas agus an géarghá le tuiscint a fháil, [ 03:16 ]tuiscint ar féidir léi gach teorainn a shárú. [ 03:21 ]I gceacht foghlama Covid-19, tá léargas doshéanta le fáil–ní hamháin go bhfuil orainn go léir, le chéile, teacht trí cheo na paindéime, ach an mórtas, sotal [ 03:33 ]agus díomas a bhaineann le smacht, le cur i bhfeidhm agus le heisiamh a chur dínn. [ 03:40 ]Straitéisí saoil ab ea iad seo, a d’fhág a lorg i bhfoirm easpa daonnachta agus domhan i mbaol.
[ 03:48 ]Tá an deis againn anois le bliain anuas, iniúchadh a dhéanamh ar na fuíntaisí tuairimí sin a chuir an dallamullóg orainn maidir le cé muid féin. [ 03:57 ]Tá go leor le caitheamh uainn, agus b’fhiú dúinn seo a dhéanamh gan mhoill. [ 04:02 ]Mar shampla, is cinnte nach bhfuil cogadh de dhíth le teacht ar shíocháin; [ 04:08 ]mar sin nuair a thagtar ar leigheas, éacht eolaíochta a dhéanann galar a sheachaint nó a réiteach, ba chóir dúinn an éacht seo a roinnt, [ 04:17 ]in ionad é a choimeád dúinn féin le hairgead a thuilleamh i gcomórtas trádála mí-chothrom.
[ 04:22 ]Beidh spás don áthais nuair a éalóinn muid ó Covid-19, agus beidh an t-áthais seo stiúradh ar ár luachanna úra, [ 04:32 ]a ndéanfaidh muid cleachtadh orthu agus muid ag tabhairt faoinár dturas nua le chéile. [ 04:38 ]Agus muid ag teacht amach ó scáth Covid-19, b’fhiú dúinn eolas a scaipeadh ar bhonn domhanda le turas comhroinnte a thógáil. [ 04:47 ]Tá muinín san fhocal scríofa ag dul i léig. [ 04:51 ]Ní mór dúinn an muinín sin a athbhunú.
[ 04:54 ]I mbliana, is cinnte go mbeidh achrann ann. [ 04:57 ]Cé go mbeidh cuimhní ann de thurais ón am atá caite, beidh díomá ann freisin [ 05:03 ]go mbeidh gá le turais eile a chur ar athlá. [ 05:07 ]Déanaimis comhbhrón leis na daoine sin gur bocht an t-ionadaí í an teicneolaíocht ar an gcaidreamh agus teagmháil sa bhfíorshaol.
[ 05:15 ]Ar bhealach úrnua i mbliana a stiúrfar an t-aitheantas tábhacht seo dár bPátrún, [ 05:22 ]tobar an dóchais dúinn ar fad. [ 05:25 ]Is féidir linn foghlaim uaidh mar a dhéanann muid i gcónaí, agus sna blianta amach romhainn nuair a bhaileoidh muid le chéile ag na mórshiúlta arís, [ 05:34 ]ní bheidh muid ite ag an tomhaltas.
[ 05:40 ]Cuimhneoidh muid siar ar Lá Fhéile Pádraig fiche fiche a haon agus an tús a chuir muid leis an turas nua. [ 05:45 ]Is turas é seo a bhfuil fonn orainn a roinnt leis an domhan mór agus a mhuintir go léir, [ 05:51 ]ceann a chabhróidh linn athnuachan a dhéanamh ar an meas don Mháthair-Chruinne, a bhfuil baint againn uilig léi. [ 06:01 ]D’fhág ár Naoimh Pádraig agus Bríd léargais agus críonnacht sheasmhach dúinn ar thábhacht an nádúir.
[ 06:08 ]Amach anseo, nuair a chuimhneoidh muid siar ar Lá Fhéile Pádraig fiche fiche a haon, [ 06:14 ]go bhfillimid air le fuinneamh agus fonn, agus muid ag déanamh iarrachta an saol a chur ina cheart arís, [ 06:20 ]go mall agus go cúramach. [ 06:24 ]Ba iad an ceol agus an chruthaitheacht ár n-acmhainn le linn na paindéime, [ 06:29 ]agus casann muid ar cheol an chroí nuair nach féidir linn teacht ar na focail– [ 06:34 ]foirmeacha éagsúla athbheochana, féidearthachtaí cleachta, aistir iontais agus triail go háiteanna nua.
[ 06:41 ]“Déanaimid dearbhú,
Údar dóchais i ndán dúinn.
Seasaimid amach ón dorchadas,
Isteach go fáinne an lae nua”.
[ 06:50 ]Ar son mhuintir na hÉireann, ba mhaith liom muintearas a dhéanamh leo siúd ar Éireannaigh iad, [ 06:58 ]bíodh sin ó dhúchas, le hoidhreacht nó trí chaidreamh, agus iad siúd freisin a chabhraigh lenár nÉireannaigh an bhliain seo go háirithe. [ 07:05 ]Guím Lá Fhéile Pádraig sona agus síochánta daoibh go léir, agus dóibh siúd ar chuid lárnach de chlann na hÉireann iad, [ 07:13 ]mar aon lena cairde agus clanna ar fud an domhain.
[ 07:18 ]Beir beannacht.