Tognccu al teater de Bellinzona

by Cesare Mariotti

De nev n’avévum vist magari poca
ma, col trovass in mezz al coeur d’ inverno,
sebben marciàvom minga sulla fioca,
al faseva T istess on frecc d’ inferno.
Per nun, già, con la legna insci costósa,
senza i firoegn, a l’era un poo scabrosa!
Ona firoegna ! ! San peu propri ben
cosa la sia ? Mettìvas in la ment
on grand presèpi cald, nè più nè men;
stalla, prezèf, pocch ciar e tanta gent;
con dò 0 tre besti gross ben intesnaa
scambievolment se scàldom col nost fiaa.
Tutt el vesin se troeuva li alla sira:
giovin e vece, donn, òman, tucc in massa;
se cunta ball vuna adree l’altra in tira
e, intant che sim al cald, el temp el passa.
Per tajaa i pagn adoss, gesummaria!!!
Quanti bei forbis ! ! brrr ! che sartoria ! !