pan en kiwen poki pi selo pan
tenpo wan la, soweli Lenja li lon, li soweli alasa, li soweli pi kalama noka ala. ona li wile kama e soweli pona ona Lawawa lon tenpo pi telo seli kasi. soweli Lawawa li soweli tomo pi mu wawa.
[ 415 ]toki sitelen ni li tan soweli Lenja, li tawa soweli Lawawa: "soweli Lawawa o. mi wile e sina lon poka mi lon tenpo pona. mi tu li ken jo e moku pona. mi wan li pali e ni lon poki pi pan poki—lon poki ni pi selo sewi loje. a, sina kama moku e ni la, moku sina pi tenpo pini li pona sama ala! [ 416 ]a, sina kama moku e ni! mi wan li kama moku e pan suwi lili taso, soweli pona Lawawa o!"soweli Lawawa li kama lukin e toki ni la, ona li toki sitelen kin:
[ 417 ]"mi wile a kama lon poka pi tenpo ilo nanpa tu tu. nasa musi la, mi kama wile kin e sina lon poka mi lon tenpo ni, tawa tenpo moku pona kama, soweli pona mi Lenja o."ona li awen sitelen: "mi kama lon tenpo pi toki mi taso, pona Lenja o."
[ 418 ]pini sitelen, ona li pana sin—"wile mi la, moku ni li soweli ala pi lili mute."taso ni li toki pona ala tawa pilin ona la, ona li weka sitelen e "soweli ala pi lili mute", li ante e toki ni: "wile mi la, moku ni li pona." ona li pana e lipu pi sitelen ni tawa jan pi lipu tawa.
[ 419 ]taso pilin insa ona li awen lon moku pi soweli Lenja la, ona li awen lukin e sitelen pi soweli Lenja.soweli Lawawa li toki insa: "pilin mi li ike tan ken pi soweli lili mi ken ala moku e pan pi soweli lili. taso tenpo kulupu li wile e moku ni tan mi.
[ 420 ]
lipu pi wile kama
kin la, mi pana e pan kin la, pan mi li pan pi soweli mani suli. a, poki pi selo sewi loje kin! poki mi kin li ni; li sama poki pi soweli Lenja. poki ni tu li tan esun pi soweli Mamako."
[ 422 ]soweli Lawawa li tawa tomo ona pi awen moku, li kama jo e pan ona tan supa, li lukin e pan.ona li pini, li ken tawa poki pali seli. selo ona li kama kiwen pona; mi pana e kiwen poki selo lon insa pan tawa awen pi selo pan.
[ 423 ]mi lupa wan e insa selo tan kama pi kon seli—a, wile mi la, mi kama moku e pan mi, e pan ala pi soweli lili.soweli Lawawa li awen pilin insa, li awen pilin insa, li lukin sin e sitelen pi soweli Lenja—
[ 424 ]
"poki walo pi selo sewi loje—a, sina kama moku e ni! nimi 'sina' li mi—ni la, soweli Lenja li moku ala a e pan ona anu seme?
[ 425 ]poki walo pi selo sewi loje! ni la, soweli Lenja li tawa esun, li wile esun e pan suwi lili. . . . a, mi sona wawa! mi kepeken tenpo lili la, mi ken pana e pan mi a tawa poki seli pi soweli Lenja lon weka ona, anu seme!"soweli Lawawa li pilin pona mute tan sona wawa ona ni!
[ 426 ]tenpo sama la, sitelen pi soweli Lawawa li kama tawa soweli Lenja. soweli Lenja li kama sona e kama pi soweli pona la—ona li pana e pan ona tawa poki seli. poki seli tu li lon; poki wan li lon sewi pi poki ante; nena ilo li lon poki, taso nena ale ala li tawa pali ilo. nena li ken namako, li ken tawa ala. soweli Lenja li pana e pan [ 427 ]tawa poki seli noka; lupa poki li wile e wawa lon open ona. [ 428 ]soweli Lenja li toki insa:"a, poki sewi li seli e moku kepeken tenpo lili. ni li ike. pan mi li jo e ko pona tan soweli pi lili mute e ko tan soweli pi loje walo. mi pakala wan pona e ko. mi weka e kiwen ale lon ko tan ni:
[ 429 ]kiwen pi sijelo kala li kama awen lon insa uta pi soweli Lawawa la, ona li kama ken ala moku e kon lon tenpo kulupu pini. ona li moku mute kepeken tenpo lili—li uta suli e moku ona. taso ona li lili pona li pali suwi. pona ona li suli la, pona pi soweli sama Mamako li lili lon tenpo kulupu." [ 430 ]soweli Lenja li pana e kiwen pi wawa seli tawa poki seli. ni la, ona li jo e poki telo suli, li tawa weka, li wile jo e telo tawa poki pi telo seli. [ 431 ]
pini ni la, ona li nasin e ijo tomo ale. tomo ni wan li tomo moku, li tomo musi kin.
[ 432 ]ona li tawa luka e len awen supa lon poka pi lupa tomo, li nasin pona e len lon supa; len ma pi poka seli li selo tan soweli pi kute suli. ona li weka e ko lili tan ilo tenpo, tan namako pi selo ilo, li weka len pona e supa moku e supa monsi. [ 433 ]
pan pi soweli mani
ona li kama sin lon tomo la, ona li lukin lon insa pi poki noka; pan li pona awen tawa lukin.
[ 436 ]soweli Lenja li len e lawa e sewi sijelo kepeken len pi awen seli, li jo e poki jo, li tawa ma tomo. ona li wile esun e kasi pi telo seli, e suwi kiwen, e poki pi ko kili suwi.tenpo sama ni la, soweli Lawawa li kama tan tomo ona lon poka ante pi ma tomo.
[ 437 ]
soweli Lenja en soweli Lawawa li kama lon poka lon insa pi ma tomo. soweli Lawawa kin li jo e poki jo.
[ 438 ]poki jo ona li len awen. ona tu li tawa e lawa ona sama toki, taso ona li toki kalama ala tan tenpo musi kama ona.soweli Lawawa li kama lon ala lukin pi soweli Lenja la, ona li tawa wawa a! ona li tawa tomo pi soweli Lenja kepeken tenpo lili!
[ 439 ]
soweli Lenja li tawa esun, li esun e ijo pi wile ona. ona li toki pona tawa soweli sama ona Mamako la, ona li tawa weka.
[ 440 ]soweli Mamako li toki ike lon pini toki—soweli Mamako li toki: "soweli tomo pi mu wawa anu seme a! soweli pi kalama noka ala li lon ma tomo ni, anu seme! pan poki lon tenpo pi telo seli anu seme! ni anu seme!"
[ 441 ]soweli Lenja li awen tawa jan Panu, li esun e pan suwi lili. ni la, ona li tawa tomo ona.ona li kama lon lupa pi tomo ona la, kalama nasa tawa li lon monsi nasin pi poka tomo.
[ 442 ]soweli Lenja li toki: "pilin mi la, kalama ni li ken ala tan pan. kin la, ilo moku li awen lon poki. poki li pini awen."taso jan ala li lon. soweli Lenja li open e lupa pi poki seli luka kepeken wawa wile, li tawa e poka pan tawa poka ante. ni li kama e kon pona tawa nena tan soweli seli pi lili mute!
[ 443 ]tenpo lili ni la, soweli Lawawa li kama weka tan lupa pi monsi tomo lon ala sona pi soweli Lenja. [ 444 ]
pan pi soweli lili li lon seme?
soweli Lawawa li tawa tomo ona, li pona nasin e linja pimeja pona ona; ni pini la, ona li tawa ma kasi lili ona, li kama jo pona e kasi suwi kule tawa soweli Lenja; ona li awen tawa tenpo ilo nanpa tu tu.
[ 448 ]soweli Lenja li awen alasa e tan kalama, li kama sona e lon pi jan ala lon supa poki ona anu tomo pi awen moku la—ona li tawa sewi tomo, li ante e len ona.ona li jo e len pi loje walo pona e len awen walo pi selo namako e len lili pi sewi sijelo.
[ 449 ]soweli Lenja li toki: "ni li nasa. pilin mi la, mi open ala e poki ni. jan li kepeken ala kepeken len luka mi pi weka seli?"ona li kama sin lon anpa tomo, li pali e telo seli, li pana e poki pi telo seli tawa supa seli. ona li lukin sin e poki seli noka. kule pan li kama pona pi pimeja lili, li seli wawa a.
[ 450 ]ona li tawa ma anpa lon poka seli, li awen tawa kama pi soweli pona. ona li toki: "a pona la mi kepeken poki noka. poki sewi li seli wawa ike tawa pan. a, taso lupa pi poki awen li open tan seme? jan li lon tomo lon tenpo pini anu seme?" [ 451 ]
tenpo kulupu li ken kama a.
tenpo pona la, soweli Lawawa li open e tawa tan tenpo musi. ona li tawa wawa lon ma tomo, li kama lon tomo pi soweli Lenja la, tenpo kulupu li lon tenpo kama a.
[ 453 ]ni la, ona li awen lon tenpo tan wile ona, li awen tawa tenpo pona lon nasin pi poka tomo.soweli Lawawa li toki insa: "mi wile sona e ni: soweli Lenja li kama ala kama jo weka e pan mi tan poki seli? a, sama la, pan ante pi soweli lili li lon seme?"
[ 454 ]tenpo pona la, kalama luka suwi li lon lupa.sinpin tomo la, soweli Lawawa li toki: "soweli Lenja li lon ala lon?"
soweli Lenja li kalama: "o kama! sina pilin seme, soweli Lawawa pona mi o? mi wile e ni: sina pilin pona!"
[ 455 ]soweli Lawawa li toki: "a, mi pilin pona. toki sina li pona tawa mi. sina pilin pona sama anu seme, soweli Lenja pona mi o? mi kama e kasi kute tawa sina; a, kon pan ni li pona tawa mi!" [ 456 ]"a! kasi kule li suwi! lon a, kon pona li tan soweli seli pi lili mute, li tan soweli seli pi loje walo kin!"soweli Lawawa li toki: "a, o pini e toki moku, soweli pona Lenja o. a, len walo pi supa moku li pona suwi! . . . sina ante e poka pan anu seme? ona li awen lon poki seli anu seme?
[ 457 ]soweli Lenja li toki: "ona li wile awen lon seli lon tenpo lili awen. kule ona o kama pimeja lili kin; mi pana e telo seli tawa awen tenpo ni pi mi tu. sina wile ala wile e suwi lon telo, soweli pona Lawawa o?" [ 458 ]
soweli Lawawa
lon sinpin tomo
"wile a, soweli Lenja o! mi ken ala ken jo e kiwen suwi wan lon nena mi kin?"
[ 460 ]"mi ni la mi pilin pona, soweli Lawawa o; a, pali wile sina li suwi! a, pona suwi!"soweli Lawawa li sewi lili, li awen e kiwen suwi lon nena ona, li pilin e kon—
[ 461 ]"a, kon pan li pona a! soweli mani suli li moku pona—a, toki pakala, mi wile toki e ni: soweli pi lili mute en soweli pi loje walo li moku pona––"nasa pi toki ni la, kiwen li kama anpa tan nena ona. ona li alasa e kiwen lon anpa supa la, ona li kama ala lukin e ni: soweli Lenja li open e poki seme tawa pan?
[ 462 ]
soweli Lenja li pana e pan tawa supa moku; kon moku li kon pona.
soweli Lawawa li kama sewi sin, li moku e kiwen suwi, li kama awen lon supa monsi.
[ 463 ]
soweli Lenja li toki: "open la, mi kama e pan poki lili tan pan poki suli tawa sina; mi jo e pan suwi lili e ko suwi tawa mi."
[ 464 ]"wile sina li wawa tawa pan suwi anu seme? a, o pakala ala lon kiwen poki pi selo pan!"soweli Lenja li toki: "seme?"
soweli Lawawa li toki wawa kepeken tenpo lili: "mi o pana ala pana e ko suwi tawa sina a?"
[ 465 ]soweli Lawawa li moku e pan la, pan li pona mute lon uta. soweli Lenja li moku e pan suwi la, pan li wile a lon insa. pan tu li kama weka moku kepeken tenpo lili. pan poki li kama weka mute a. [ 466 ]
soweli Lawawa li toki insa: "mi wile e kama pona la, ken la, mi wan o weka pana e pan lili tan pan poki tawa mi; taso lukin la, soweli Lenja li kama ala sona e nasa tan pali pana pan.
[ 467 ]ijo pan insa li lili mute suwi a! lili pona ni li lon ala sona mi pi pali pan mi tan tenpo pini; a, ken la ni li tan wawa seli lon poki seli pi soweli Lenja, li wawa seli suli lon wawa lili pi poki seli mi." [ 468 ]
soweli Lenja li ko jelo e pan suwi ona nanpa luka la, ona li toki insa: "soweli Lawawa li moku kepeken tenpo lili a!"
[ 469 ]poki pan li kama weka lon tenpo pi mute ala! soweli Lawawa li moku e pan lili tu tu kin, li pini, li tawa e ilo moku lon luka ona. [ 470 ]
kiwen poki pan li lon seme?
"toki sina li pona, soweli pona Lenja o, taso mi alasa e kiwen poki pi selo pan."
soweli Lawawa o. kiwen poki seme?
[ 472 ]sinpin pi soweli Lawawa li kama loje lon anpa pi linja pimeja ona. "kiwen poki selo li awen e selo pan."soweli Lenja li toki: "a, mi pana ala e ni tawa pan, soweli Lawawa o. sona mi la, pan li tawa ala tan tomo la, ni li suli ala tawa pan."
[ 473 ]soweli Lawawa li awen tawa e ilo moku—ona li kama pilin ike tan sona ala: "mi kama ala lukin e ona!"ni li nasa tawa soweli Lenja. ona li toki: "kiwen poki selo li lon ala."
soweli Lawawa li toki: "ona li lon kin, soweli Lenja o; taso ona li lon seme?"
[ 474 ]soweli Lenja li toki: "soweli Lawawa o, ona li lon ala. mi sona e ni. mi wile ala pana e kiwen selo ilo tawa ko suwi, tawa pan. ni li ike tawa moku." ona li toki kin kepeken kalama lili: "(kin la, jan li kama moku e kiwen lon insa pi moku ona la, ni li ike tawa sijelo.)" [ 475 ]
toki ni li suli e wawa pi pilin ike tawa soweli Lawawa. ni la, ona li awen tawa e ilo moku lon pan.
[ 476 ]"a, sona kin la, soweli Lokon li mama mama sama mi (li mama mama pi soweli sama mi Mamako)—li kama moli tan kiwen lili wan lon pan suwi pi tenpo lete sewi. mi pana ala a e kiwen poki lon insa pi ko suwi mi anu pan mi." [ 477 ]lukin pi soweli Lawawa li wawa tan pilin ike. ona li sewi e kiwen supa pi anpa pan.mi jo e kiwen poki selo tu tu taso. kiwen ni ale li lon supa poki mi.
soweli Lawawa li open e mu wawa.
[ 478 ]"mi kama moli! mi kama moli! mi kama moku e kiwen poki! a, soweli Lenja o, mi pilin ike wawa a!""ni li ken ala, soweli pona Lawawa o. kiwen poki li lon ala pan."
[ 479 ]
soweli Lawawa li mu e pilin ike ona, li tawa e sijelo ona.
[ 480 ]"a, mi pilin ike mute. mi kama moku e kiwen poki!"soweli Lenja li toki wawa: "ijo ala li lon pan."
[ 481 ]"ijo kin li lon, soweli pona Lenja o. pilin mi la, mi kama moku e ni!"mi o pana e supa len suwi tawa sina, soweli Lawawa o; ike li lon seme sina?"
"a, soweli Lenja o, mi pilin e ike lon ale mi; mi kama moku e kiwen poki pi sijelo pakala a!"
[ 482 ]"mi o tawa jan pi sona sijelo, anu seme? ni la, mi poki e ilo moku kepeken tenpo lili!""tawa a! o kama e waso Misikeken, soweli Lenja o; nena ona li sama kiwen poki la, ona li sona pona e ike mi."
[ 483 ]soweli Lenja li awen e soweli Lawawa lon supa pona lon poka seli. ona li tawa ma tomo kepeken wawa, li alasa e waso sona.ona li kama lukin e waso lon tomo pi pali kiwen.
waso sona li pana e kiwen palisa ilo lili tawa poki pi telo kule sitelen. poki li tan tomo pi lipu tawa.
[ 484 ]waso li toki: "musi! mu a a a!" ona li anpa e poka lawa wan. soweli Lenja li toki e ike sijelo pi soweli pona ona lon tomo ona, e kiwen poki lon insa sijelo. [ 485 ]waso li toki: "nasa! mu a a a" ona li tawa lon poka soweli kepeken pilin pona.noka ona li tawa mute la, soweli Lenja li kama wile wawa e tawa ona. ni li kama e lukin tan ale pi ma tomo. jan ale li kama sona e wile pi waso sona tan soweli Lenja.
[ 486 ]soweli Mamako li kama toki: "a mi sona e kama ni: ona li moku e mute ike!"taso, soweli Lenja li alasa e waso sona la—nasa lili li tawa soweli Lawawa lon tenpo sama. ona li wan taso, li lon poka seli, li pana e kon, li mu e pilin ike ona.
[ 487 ]
telo pali pi
waso sona Misikeken
"a mi kama moku e ona tan seme! kiwen poki selo li suli lon moku a!"
ona li kama sewi, li tawa supa moku, li pilin sin e insa pan kepeken ilo moku. [ 489 ]"ala a; kiwen li lon ala ni, taso mi pana e kiwen; jan ante ala li moku e pan. mi taso li ni. ni la, mi kama moku e kiwen!"
[ 490 ]
ona li lape sin lon supa, li lukin pi pilin ike e poka seli.
[ 491 ]seli li kalama lili, li tawa musi lili. kalama kon li kama tan ijo a!soweli Lawawa li tawa wawa! ona li tawa poki seli, li open e lupa pi poki sewi;— kon wawa seli li kama tan poki, li sama ko soweli seli tawa nena. pan pi pimeja pona li lon insa—lupa pi sewi pan la, kiwen poki li ken lon lukin!
[ 492 ]soweli Lawawa li insa suli e kon—ona li toki insa: "ni la, mi kama moku e soweli pi lili mute a! ni li kama e ike sijelo mi... taso ken la kiwen poki li ken kama e ike pi wawa mute! pona la, mi moku ala e ni.
[ 493 ]
—a, taso mi toki e kama ni tawa soweli Lenja la, toki ni li nasa ike!
[ 494 ]pilin la, mi pana e pan mi a tawa ma kasi lili lon poka monsi tomo. mi kama ala toki tan ni. mi tawa tomo mi la, mi kama sike e tomo tawa ni: mi weka e pan." [ 495 ]ona li tawa e pan lon lupa pi monsi tomo, li kama sin lon poka seli, li pini e lukin. soweli Lenja en waso sona li kama la, ona li lape wawa.waso sona li toki: "musi! mu a a a!"
soweli Lawawa li kama sewi tan pini lape, li toki: "a, pilin ike mi li kama pona."
[ 496 ]"a, ni li pona tawa kute mi! waso li kama pana e ijo moku lili tawa pona pi sijelo sina, soweli pona Lawawao."
soweli Lawawa li toki: "a, pilin mi la, ona li kama pilin e tawa telo lon insa pi sijelo mi la, ona li sona e ni: sijelo mi li pona lon tenpo ni."
[ 497 ]tenpo sama la, ona li lukin weka tan waso sona. waso li kama tawa ona, li jo e ijo lon uta poki ona."ijo moku ni li pali e ala lon sijelo sina. sina o moku e ona. mi pana e telo walo. o moku e ni kin, soweli Lawawa o!"
[ 498 ]waso sona li toki "musi! musi!" soweli Lawawa li kon ike tan uta, li kama insa ike e kon.soweli Lenja li kama pilin utala—"o toki ala e ni, waso o! o jo! mi pana e pan wan ni e ko suwi ni tawa sina; o tawa weka tan tomo!"
[ 499 ]
soweli Lawawa li toki: "mi kama pilin pona, soweli pona Lenja o. pilin sina la, mi o tawa tomo mi tan kama pi tenpo pimeja, anu seme?"
[ 501 ]"ni li toki pona, soweli Lawawa pona o. mi kama pana e len sewi lili pi awen seli tawa sina. kin la, o awen luka e luka mi." [ 502 ]
lukin la,
kiwen poki li lon kin.
lon a, ni li pona wawa. ijo li weka e ike sijelo sina tan kiwen poki! mi pini e moku lon open pi tenpo suno la, mi toki tawa sina lon ilo. mi wile sona e pona pi sijelo sina."
[ 504 ]soweli Lenja en soweli Lawawa li toki pona e tawa ona la, soweli Lawawa li tawa tomo ona. ona li kama tawa lili lon nasin la, ona li lukin sin tawa tomo pi soweli Lenja; soweli Lenja li kama tawa insa, li pini e lupa. [ 505 ]soweli Lawawa li tawa palisa sinpin pi selo ma, li tawa insa, li kama lon ma kasi lili lon poka monsi tomo pi soweli Lenja, li lukin e ma lili.waso Misikeken en waso pimeja tu wan li lon selo sewi pi tomo poka lili. waso pimeja li moku e selo pan. waso Misikeken li moku e ko [ 506 ]telo pan tan insa pi kiwen poki.
ona li kama lukin e sinpin lukin pimeja pi soweli Lawawa lon selo pi palisa sinpin la, ona li kalama: "musi! mu a a a"
ni li anpa nasa e soweli Lawawa la, ona li tawa tomo ona!
[ 507 ]soweli Lenja li kama tan tomo, li wile kama e telo tawa ilo moku ona la, ona li kama lukin e poki pan walo pi selo sewi loje lon ma ona. poki li pakala la, kiwen mute li lon ma tan ona. kiwen poki pi selo pan li lon kin, li lon anpa pi ilo telo. waso Misikeken li pana e ona lon ni tan wile pona. [ 508 ]soweli Lenja li lukin e nasa ni—"ni li lon anu seme! a ni la kiwen poki li lon anu seme? ... taso kiwen poki mi ale li lon supa poki mi. a, mi pali ala e ni! ... mi wile e tenpo kulupu lon tenpo kama la—mi wile e soweli sama mi Mamako lon tomo mi!" [ 509 ]
|
This work is available under the Creative Commons CC0 1.0 Universal Public Domain Dedication.
The person who associated a work with this deed has dedicated the work to the public domain by waiving all of his or her rights to the work worldwide under copyright law, including all related and neighboring rights, to the extent allowed by law. You can copy, modify, distribute and perform the work, even for commercial purposes, all without asking permission. |