[ 598 ][ 599 ]soweli ni li soweli Puwan. ona li soweli alasa, li lili tenpo. kute ona la, soweli pi lili mute li lon!
[ 600 ]ni li soweli pi lili mute. ona li lukin e soweli Puwan tan selo pi supa poki, li pilin musi tan soweli Puwan, li lukin nasa musi e soweli alasa. soweli suli li ike ala e pilin ona.
[ 601 ][ 602 ][ 603 ]ni li tawa pi soweli Puwan, li tawa pi tenpo ike lili; ona li kama ala lon soweli pi lili mute, li sinpin utala e lawa ona lon supa.
[ 604 ]pilin ona la, supa ni li kiwen mute a!
[ 605 ][ 606 ][ 607 ]soweli pi lili mute li lukin e soweli Puwan tan sewi pi supa poki.
[ 608 ]soweli Puwan li len e ale pi lawa ona kepeken len pi weka jaki, li tawa poka seli.
[ 609 ][ 610 ]soweli pi lili mute la, sijelo pi soweli Puwan li kama ike mute. soweli pi lili mute li tawa anpa lon linja suli pi ilo kalama.
[ 611 ][ 612 ][ 613 ]lukin la, sijelo pi soweli Puwan li kama ike, li kama ike mute. soweli pi lili mute li tawa lili lon poka ona.
[ 614 ][ 615 ]soweli Puwan li jo awen e lawa ona lon luka, li lukin kepeken lupa lili lon len. soweli pi lili mute li tawa poka lili ona a.
[ 616 ]sin ni la—soweli Puwan li tawa wawa a lon soweli pi lili mute!
[ 617 ][ 618 ][ 619 ]soweli pi lili mute li nasa musi e soweli Puwan la— soweli Puwan li wile nasa musi e soweli lili kin; wile ni pi soweli Puwan li pona ala.
[ 620 ]ona li poki e soweli lili kepeken len pi weka jaki, li luka musi e len sama sike musi.
[ 621 ][ 622 ][ 623 ]taso lupa li lon len la, ni li awen ala lon sona ona; ona li open sin e len la—soweli lili li lon ala a!
[ 624 ][ 625 ]soweli lili li kama weka tan len, li kama tawa weka; ale ni la, ona li tawa musi lon sewi pi supa poki!
This work is available under the Creative CommonsCC0 1.0 Universal Public Domain Dedication. The person who associated a work with this deed has dedicated the work to the public domain by waiving all of his or her rights to the work worldwide under copyright law, including all related and neighboring rights, to the extent allowed by law. You can copy, modify, distribute and perform the work, even for commercial purposes, all without asking permission.
