Tu soos lu ben vignuut, e' l ben chiattat
«Tu soos lu ben vignuut, e' l ben chiattat»
Tú soos lu ben vignuut, ee’l ben chiattat
Di benedett, di sent, di glorioos
Di duchg iu bogn compagns à dalte voos
Dal levant, al ponent desideraat.
Prin di d’avost tu sool sees ch’l beat
Chu faas ch’ogni pizzochar ven goloos
Stuarz, struppiaaz, redroppichs, e mendoos
Ethics, e tisichs, e ogn’un ch’e smagagnat.
Ogn’un par te si sfuarze di chiattaa
Vin daronch, vin di quei, c’hebi intellet,
Par fati honoor duquang vuelin saltaa,
Ju Slappars van chridant Doos, bayn, hist, guett,
Ju sclaas ang loor si vuelin bischiantaa
Daiteme dobra vina, e poy dis pett.
Al fò fatt un difiett,
A nò ti metti ang te sul calendari,
E scriviti di ros su’ l breviari
Lu tò aniversari
Ven celebraat ogn an par dut lu mont
E la tò sipulture è in Tayzilont,
Ogni Marchees, e Cont
Tis spiette cun pipponis e meloons
E iu vilaans cun jade, e chialzoons,
Schialdaansi ju teloons
98
Cu lis sgrippis in sú disgiambussaaz
In chei soreij si cu purciei jttaz.
E quant che son sglonfaaz
A ij tossin par dauur à foze muss
Chal paar chai sarin banchs, od avrui luss,
In finte ju cattus
Zuss, e zuittis, alochs, e barbe zuaans
Jn ch’l di bevin vin fuur da’ vagaans,
Ju cleris, e i plevaans
Fraris, chialunis, vescui, ed abbaaz
Stan in chel di si cu fulzazz sglonfaaz,
Al si vioot remondaaz
In chel di benedett dug iu boccaij
Ed han un grant daffaa ju urinaij.
Salziz e modeaij
Pirsuz, amis, bradoons, e zavelaaz
Pur cu lis verzis vignin cusinaaz
A i forin tre cugnaaz
Jnseri, Sen Martin, e ’l prim d’Avost
Comparis dal vin dolz e dal bon most.