Un cîntec
Un cîntec
Papahagi, Tache. Antologie Aromănească. Ed. Casa Şcoalelor, Bucureşti, 1922, p. 199
Un cîntec ca di jale
Cîntam 'nă oară eŭ,
Şi dipuneam tu vale
Ditr'un laĭ munte greŭ.
Şi valea-n'ĭ turna graǐlu
Cu scl'imurĭ, suschiros,
Di-arăsuna tut plaǐlu
Şi muntile jilos.
Iu hiţ, bre gĭon'i cu-aname,
Fumel'ĭ di Fărşiroț !
Iu eşti Armăname,
Şi Grămuştean'ĭ, cu toţ !
Armasiră cîrărĭle
Ca ponde fir' di voĭ
Şi s'dusiră flîcărĭle
Cu turmile di oĭ.
Di la cîşerĭ flueara
Ma nu se-avde prit munţ,
Ni pravdă ca se-azghĭară, —
Di jale him pitrumţ.