Up de Heide

Up de Heide.
Author:	Georg Ruseler
Text type:	Gedicht
Comment:
:

Alleen, ganz alleen up de Heide.
De Sünn is unnergahn,
Un sacht dör de witten Wulken
Seilt de stille Maan!

Von den Minsken, de stolten Minsken
is nicks to hören un sehn
Unner fief griese Eeken
Reckt sick de Hünensteen.

Öwer den Moorgrund spinnt sick de Nebel,
Un dat tuschelt so sünnerbar:
So is dat ümmer hier wäsen,
Ümmer, sit dusend Jahr.