Wikisource

User:Kaarkemhveel/ла̄ввл-воалунд-баяс

< User:Kaarkemhveel

Ла̄ввл Воалунд баяс (Völundarkviða)

edit

Current status: Unreviewed by specialists

Translated directly from Old Norse.

Нӣдтудт ля̄йй коа̄нгэсс[1] Рӯһце̄мьнесьт. Со̄нэсьт ля̄йй кӯһт а̄льк я э̄ххт нӣййт. Нэ̄ммэсь ля̄йй Боадтвилльд. Лӣйенҍ ко̄ллм вӣльй, ла̄дтҍкоа̄нгэз а̄льк. Эфт коа̄һчешь Слагфидт, ныммьп Эгилль, куалмант ля̄йй Воалундт. Сыйй чӯййкэнҍ я ме̄һцьтэтҍ на̄вьт. Сыйй пӯдтӭнҍ Ӯлльфдалла[2] я лыһкенҍ ӣджьсесь тамьпэ пэ̄ҏт. Тамьпэ лӣ я̄ввьр, ко̄нн нэ̄мм ля̄йй Ӯлльфcъя̄р[3]. А̄йкалт ӣнцэ коа̄ввьнэнҍ сыйй я̄ввьррынтэсьт ко̄ллм нызнэтҍ, сыйй лыйн по̄ннэнҍ. Тамьпэ, сӣн луннҍ, нюххчкэд ле̄шшенҍ. Тэдта ля̄йй валькирьй. Тэгк лӣйенҍ коа̄нгэз Хлоадтвер кӯһт нӣйт, Хладтгудт Сванхвӣһт[4] я Хэрвоарр Альвиһт[5], куалмант нэ̄м ля̄йй Оалрӯнн Кья̄р Валландэсьт нӣййт. Вӣльй уйтхэнҍ сӣнэтҍ ӣдженэсьтгуэйм пэҏҏтъедас. Эгилль воа̄льтэ Оалрӯн коабпкэнҍ, Слагвфидт — Сванхвӣт я Воалундт Альвӣт воа̄льтэ. Сыйй кыджемь ыгке ӣлленҍ. Маӈӈа нызан кыррьтлэнҍ во̄дтэдсэ туаррмуж я ев моа̄һца. Танна чӯййкэшкӯдӭ Эгилль Оалрӯн о̄знэдтэмуж гуэйкэ, Слагфидт Сванхвӣт о̄зэ я Воалундт пэ̄ҏтэсьт кӯдӭ. Со̄нн ля̄йй че̄пьмусс о̄ллмэнҍ, ко̄йт е̄рркъя соа̄гэнҍ[6] моа̄йнсэнҍ баяс. Коа̄нгэсс Нӣдудт па̄кэ со̄н ва̄лльтэ, ко̄ххт тэсьт лӣ са̄ррна:

1Нӣйт кыррьтэнҍ соа̄йвэсьт
Ля̄ммт че̄д
Нӯрр Альвид,
Ся̄д ӣллькъе;

... WIP

Ёарркэй кырьйхэмуж тӣт

edit
  1. ↑ Коа̄нгэсс — адтҍ лӣ "женӭхь", ноа э̄ввтэль соа̄г оннӭшь "цоа̄рр" то̄ӆкэсьт; по̄дтал моа̄нтарса̄мь са̄нӭсьт *konëŋkēs. Куһтэ *konëŋkēs я моа̄нтарскандинавскэ konungr по̄дтлэв моа̄нтарерманскэ са̄нӭсьт *kuningaz. Тэннгуэйкэ, го̄ э̄ввтэль тэнн са̄нӭсьт ля̄йй альтэсь то̄ӆӆк, мунн пыйе эйй лыһкэ вай ла̄ййнэ о̄дт соа̄г, я лышшэ оаннӭ со̄н.
  2. ↑ Ӯлльфдалль (Úlfdali) — "Чиррм вӯммь"
  3. ↑ Ӯлльфcъя̄р (Úlfsjár) — "Чиррм я̄ввьр"
  4. ↑ Сванхвӣһт (Svanhvít) — "вӣлльэсь нюххч"
  5. ↑ Альвиһт (Alvitr) — "пугк мӣллвесь"
  6. ↑ Соа̄гк — адтҍ лӣ "са̄ннҍ" вай "о̄дтас". Ноа тэнн са̄нҍ вуаннтас ле̄в моа̄нтарскандинавскэ са̄нэсьт saga, гӯ рӯшш кӣлэсьт ныдтҍшэ лӣ "сага". Тэнн гуэйкэ мунн пые лажьхэ тэнн то̄ӆӆк са̄нна, кӯ ё лӣ кӣлэсьт.
Retrieved from "https://wikisource.org/w/index.php?title=User:Kaarkemhveel/ла̄ввл-воалунд-баяс&oldid=1100266"